سولتۇستىك قازاقستاندا اققۋدى اتقاندار ۇستالدى
سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، بەسكول اڭشىلىق شارۋاشىلىعىنىڭ قورىقشىسى مامليۋت اۋدانىندا شەتەلدىك كولىكتىڭ جۇكسالعىشىنان اققۋ تاپتى. بۇل جايلى ول بىردەن پوليتسياعا حابارلادى. مامليۋت اۋدانىنىڭ لەدەنيەۆو ەلدىمەكەنىنىڭ ماڭىندا تابيعاتتى قورعاۋشىنىڭ كوزىنە تۇسپەي كەتۋگە تىرىسقان «ب م ۆ» اۆتوكولىگى ىلىگەدى. كۇدىك راستالىپ، كولىكتىڭ جۇكسالعىشىنان باسى كەسىلگەن اققۋ تابىلدى.
«وقيعا ورنىنا كەلگەن مامليۋت اۋدانى پوليتسيا ءبولىمىنىڭ قىزمەتكەرلەرى قۇستىڭ دەنەسىن ساراپتاماعا الدى. كولىك جۇرگىزۋشىسى مەن جولاۋشى ءمان- جاي انىقتالعانشا دەيىن پوليتسيا بولىمىنە جەتكىزىلدى. زاڭسىز اڭ اۋلاۋ فاكتىسى بويىنشا سوتقا دەيىنگى تەرگەپ- تەكسەرۋ باستالدى»، - دەيدى مامليۋت اۋدانىنىڭ پوليتسيا ءبولىمىنىڭ باستىعى سەرىك ءالجانوۆ.
س ق و-دا بۇل بيىل اققۋ اۋلاۋعا قاتىستى تىركەلگەن ەكىنشى دەرەك. ناۋرىز ايىندا پەتروپاۆلداعى «روماشكا» ساياجايعا جاقىن ماڭدا ەكى سۇڭقىلداق اققۋدىڭ دەنەسى تابىلعان ەدى. ەلىمىزدە بۇل دالا قۇسىن اۋلاۋعا تىيىم سالىنعان.
اۆتور: اقەركە داۋرەنبەك قىزى
