الماتى وبلىسىندا ءالى كەڭەس وداعىنىڭ پاسپورتتارىمەن جۇرگەندەر بار - ءى ءى م
بۇگىنگى تاڭدا ق ر ءى ءى م كوشى-قون قىزمەتى كوميتەتى ادام قۇقىقتارى جانە زاڭدىلىقتى ساقتاۋ جونىندەگى قازاقستاندىق حالىقارالىق بيۋرومەن بىرلەسىپ، جەكە باسىن كۋالاندىراتىن قۇجاتتارى جوق ەلىمىزدىڭ تۇرعىندارىنا كومەك كورسەتۋدە.
«ىشكى ىستەر ورگاندارى قۇجاتتارى جارامسىز ادامداردىڭ قازاقستاندا تۇرۋ دەرەكتەرىن انىقتاپ جاتىر. ولاردىڭ اراسىندا ك س ر و پاسپورتتارىن ۋاقىتىلى الماستىرماعان قازاقستان ازاماتتارى دا، ت م د ەلدەرىنىڭ مەرزىمى وتكەن قۇجاتتارىن ۇستاپ جۇرگەندەر دە بار. جىل باسىنان بەرى 1974 -جىلعى ۇلگىدەگى ك س ر و پاسپورتتارى ۇستاپ جۇرگەن 867 ادام، ال 2019 -جىلى - 1 727 ادام قۇجاتتاندىرىلدى»، - دەدى ق ر ءى ءى م كوشى-قون قىزمەتى كوميتەتى ءتوراعاسىنىڭ ورىنباسارى سابىرجان سەيىتجانوۆ.
ونىڭ ايتۋىنشا، وسى جىلدىڭ وزىندە الماتى وبلىسى بويىنشا 400 ادامنىڭ قۇجاتى تەكسەرىلىپ، ولار قازاقستان رەسپۋبليكاسىنىڭ ازاماتتارى دەپ تانىلدى. 3157 شەتەلدىك ق ر تۇراقتى تۇرۋعا رۇقسات الۋعا ءوتىنىش بەردى، 254 ادام جەكە باسىن كۋالاندىراتىن قۇجات الۋعا كومەك كورسەتۋدى سۇرادى. «الماتى وبلىسىندا قارتايعان شاعىندا العاش رەت نەمەسە ازاماتتىعى جوق ادامنىڭ العاش كۋالىگىن العان جاعدايلار بولدى. جىل سوڭىنا دەيىن جالعاساتىن اكسيا بارىسىندا ىشكى ىستەر ورگاندارى ۇ ە ۇ-نىڭ كومەگىمەن مارتەبەسى رەتتەلمەگەن ادامداردى انىقتايدى. سودان كەيىن كوشى-قون قىزمەتى ولارعا مارتەبەلەرىن انىقتاۋعا كومەك كورسەتەدى جانە ق ر ازاماتىنىڭ نەمەسە ازاماتتىعى جوق ادامنىڭ قۇجاتتارىن رەسىمدەيدى»، - دەپ تولىقتىردى سابىرجان سەيىتجانوۆ.
«ءبىز بۇل ناۋقان ەلىمىزدىڭ بارلىق وڭىرلەرىن قامتىپ، ازاماتتىعى بەلگىسىز تۇلعالار بويىنشا ناقتى ستاتيستيكالىق دەرەكتەردى انىقتاۋعا، سونداي- اق قۇجاتى جوق ادامدارعا ولاردىڭ قۇقىقتىق مارتەبەسى مەن قۇقىقتىق سايكەستىگىن ايقىنداۋ جونىندەگى جاعدايدى شەشۋگە مۇمكىندىك بەرەدى دەپ كۇتەمىز»، - دەپ قورىتىندىلادى ادام قۇقىقتارى جانە زاڭدىلىقتى ساقتاۋ جونىندەگى قازاقستاندىق حالىقارالىق بيۋرو ديرەكتورىنىڭ ورىنباسارى دەنيس قجيۆاگا.
اۆتور: سامال قابىشەۆا
