سۋىق تيۋ، تۇماۋ جانە كوروناۆيرۋس: ايىرماشىلىقتارى قانداي

بۇل ينفەكتسيالار جوتەل، تاماق اۋرۋى، دەنە قىزۋى سياقتى بەلگىلەرمەن كورىنۋى مۇمكىن. سۋىق تيۋ. مامانداردىڭ ايتۋى بويىنشا، سۋىق تيۋ وڭاي وتەدى، اۋرۋدىڭ قارقىندىلىعى دا ەكى- ءۇش كۇننەن كەيىن ايتارلىقتاي تومەندەيدى. سۋىق تيگەن كەزدە مۇرىن بىتەلۋى مۇمكىن. ادەتتە بۇل پنيەۆمونيا سياقتى اۋرۋلار تۋىنداتپايدى.

تۇماۋ جانە كوروناۆيرۋس. ەكى ينفەكتسيا دا اۋىر سىرقاتتارعا جانە اسقىنۋلارعا اكەلۋى مۇمكىن. سونىمەن قاتار ولار جالپى بەلگىلەرگە يە: قۇرعاق جوتەل، دەنە قىزۋى، قالتىراۋ، تاماق اۋرۋى، بۇلشىقەت اۋرۋى نەمەسە دەنەنىڭ اۋرۋى، باس اۋرۋى جانە السىزدىك.

تۇماۋ مەن كوروناۆيرۋستىڭ ايىرماشىلىعى. كوروناۆيۋرستىڭ نەگىزگى بەلگىلەرىنىڭ ءبىرى - ءيىس سەزۋدىڭ جوعالۋى. جرۆي كەزىندە دە ءيىس سەزۋ جوعالۋى مۇمكىن، ءبىراق ادەتتە مۇرىن بىتەلەدى.

كوروناۆيرۋس جۇقتىرعان كەزدە بىردەن ءيىس پەن ءدام سەزۋ جوعالادى. سونىمەن قاتار تۇماۋ بىردەن اۋىر جاعدايدا باستالۋى مۇمكىن. ال كوروناۆيرۋس كەزىندە سيمپتومدار جەڭىل باستالىپ، بىرتىندەپ اۋىرلايدى جانە ۇزاق ۋاقىتقا سوزىلادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى