كوكشەتاۋدىڭ ۇستىنەن ۇشقان تىكۇشاق تۇرعىنداردى الاڭداتتى
قالانىڭ ۇستىنەن بىرنەشە رەت اينالىپ وتكەن تىكۇشاقتى كورگەن تۇرعىندار اۋەدەن ءبىر زات شاشىپ ءجۇر دەپ الاڭدادى. اقمولا وبلىستىق ىشكى ساياسات باسقارماسىنىڭ مالىمەتىنشە، كوكشەتاۋ قالاسىندا قازان ايىنىڭ 9-23-كۇندەرى ارالىعىندا اقمولا وبلىسىنىڭ تەرروريزمگە قارسى كۇرەس جونىندەگى جەدەل شتابى اسكەري تەحنيكا مەن ارنايى اۆتوكولىكتەردى جۇمىلدىرۋ ارقىلى جوسپارلى وقۋ-جاتتىعۋىن وتكىزىپ جاتىر.
«قالا تۇرعىندارى مەن قوناقتارىنا سابىرلىق تانىتىپ، وقۋ-جاتتىعۋ شاراسىنا تۇسىنىستىكپەن قاراۋعا، سونداي-اق، شىندىققا سايكەس كەلمەيتىن اقپارات تاراتپاۋعا شاقىرامىز»، - دەلىنگەن ۆەدومستۆونىڭ حابارلاماسىندا.
اۆتور: اسلان وسپانوۆ
