الماتىدا قاريانى سوققىعا جىققان ادام ۇستالدى
تۇركسىب اۋداندىق پوليتسيا باسقارماسىنىڭ مالىمەتىنشە، الماتىدا ەر ادام قاريا ءۇيىنىڭ جانىندا يتپەن سەرۋەندەپ جۇرگەن كەزىندە ۇرىپ كەتكەن.
وقيعا ج. مولداعاليەۆ كوشەسىندە بولعان.
«ەگدە ادام يتپەن تاڭعى ساعات التىلار شاماسىندا سەرۋەندەپ جۇرگەن كەزىندە ءيتى كولىك تۇراعىنا قاراي جۇگىرگەن. ءيتتىڭ سوڭىنان ەرگەن ول كەنەتتەن سوققىنى سەزگەن، بەلگىسىز سەبەپتەرمەن بەيتانىس بىرەۋ باسىنان ۇرىپ، جاعىن سىندىرىپ، وقيعا ورنىنان قاشىپ كەتكەن. قارت ادام جاراقاتتان قۇلاپ، ءبىراز ۋاقىت تروتۋاردا قانسىراپ جاتىپ قالعان. ءوتىپ بارا جاتقان ادامداردىڭ ءبىرى تاياق جەگەن ادامدى بايقاپ، وعان جەدەل جاردەم جانە پوليتسيانى شاقىرعان. جابىرلەنۋشى قاشىپ كەتكەن ەر ادامنىڭ كولىگىنىڭ ماركاسىن ايتا المادى. ءبىراز ۋاقىتتان كەيىن اۋداننىڭ ۋچاسكەلىك پوليتسيا قىزمەتكەرلەرى كۇدىكتىنى انىقتادى. ول ۇستالىپ، كىناسىن مويىندادى»، - دەدى تۇركسىب اۋداندىق پوليتسيا باسقارماسىنىڭ باستىعى ەركىن امانتايەۆ.
قازىرگى ۋاقىتتا كۇدىكتىگە قاتىستى قازاقستان رەسپۋبليكاسى قىلمىستىق كودەكسىنىڭ 107-بابى (دەنساۋلىققا قاساقانا اۋىرلىعى ورتاشا زيان كەلتىرۋ) بويىنشا قىلمىستىق ءىس قوزعالدى.
اۆتور: الما مۇقانوۆا
