كورسەتكىشتەردىڭ ورنىقتى ءوسۋى ەكونوميكانىڭ قالىپقا كەلگەنىنىڭ بەلگىسى - اسقار مامين
9 ايدىڭ قورىتىندىسى بويىنشا ەكونوميكانىڭ نەگىزگى سالالارىندا ءوسۋدىڭ وڭ سەرپىنى ساقتالىپ وتىر. وڭدەۋ ونەركاسىبىندە ءوسۋ 3,3 پايىز قامتاماسىز ەتىلدى.
ونىڭ ىشىندە: فارماتسيەۆتيكادا - 39,8 پايىز، دايىن مەتالل بۇيىمدارىنىڭ وندىرىسىندە - 18,9، ماشينا جاساۋدا - 16,6، ونىڭ ىشىندە اۆتوموبيل جاساۋ - 51,6، قاعاز ونىمدەرى - 15,1 جانە جەڭىل ونەركاسىپتە - 14,1 پايىز. قۇرىلىس كولەمى 10,5 پايىزعا ارتتى.
شامامەن 9,6 ميلليون شارشى مەتر تۇرعىن ءۇي پايدالانۋعا بەرىلدى، ياعني 9 پايىزعا ارتتى. اۋىل شارۋاشىلىعىندا 5 پايىز تۇراقتى ءوسۋ قامتاماسىز ەتىلدى. تاۋ- كەن سەكتورىنىڭ ماڭىزدى باعىتتارى بويىنشا وڭ ديناميكا ساقتالىپ وتىر. اتاپ ايتقاندا، مەتالل كەنى ءوندىرىسى 1,2 پايىزعا، باسقا پايدالى قازبالار ءوندىرىسى 0,4 پايىزعا ءوستى»، - دەدى پرەمەر- مينيستر.
بۇل رەتتە ول وپەك+ كەلىسىمدەرىن ورىنداۋ قاجەتتىگىنە وراي مۇناي ءوندىرىسىنىڭ تومەندەگىنى بايقالاتىندىعىن ايتتى.
«قىزمەتتەر سەكتورىندا قىركۇيەك ايى بويىنشا، تامىزبەن سالىستىرعاندا، ناقتى ءوسىم بايقالادى. ساۋدا سالاسىندا جۇمىس 2,7 پايىزعا جانداندى، بايلانىستا - 1,3 پايىز جانە كولىك پەن قويماعا ورنالاستىرۋدا - 1,2 پايىز. قىزمەتتەر سەكتورىنداعى ءوسىم شاعىن جانە ورتا بيزنەس قىزمەتىنىڭ جاندانعانىن كورسەتەدى. ال بۇل جاڭا جۇمىس ورىندارىن، ازاماتتاردىڭ ءال- اۋقاتىنىڭ جاقسارۋىن بىلدىرەدى. كورسەتكىشتەردىڭ ورنىقتى ءوسۋ قارقىنى جالپى ەكونوميكانىڭ قالىپقا كەلگەنىنىڭ بەلگىسى بولىپ تابىلادى»، - دەدى اسقار مامين.
اۆتور: مارلان جيەمباي
