الماتىدا پوليتسيادان قاشقان ماس جۇرگىزۋشى جول اپاتىنا ءتۇستى
قالالىق پوليتسيا دەپارتامەنتى ءمالىم ەتكەندەي، اباي مەن دوستىق داڭعىلدارىنىڭ قيىلىسىندا «لەكسۋس» اۆتوكولىگى پوترۋلدىك پوليتسيانىڭ نازارىنا ىلىكتى. اتالعان كولىكتىڭ جۇرگىزۋشىسى ا. ەسىمدى ازامات ءتارتىپ ساقشىلارىنىڭ تالاپتارىنا باعىنباعان.
«بىرىنشىدەن، اۆتوكولىك جۇرگىزۋشىسىنىڭ اگرەسسيۆتى ارەكەتتەر جاساپ پوليتسيا قىزمەتكەرلەرىنىڭ نازارىن اۋداردى. ءبىراق جۇرگىزۋشى ولاردىڭ جاعدايعا قاتىستى تالاپتارىنا باعىنباي، پوليتسيادان قاشقان. سول كەزدە سول باعىتتا كەلە جاتقان ەكى كولىكپەن سوقتىعىستى. سوت- ناركولوگيالىق ساراپتاما ونىڭ الكوگولدىك ماساڭ كۇيدە ەكەنىن انىقتادى»، - دەدى مەدەۋ اۋداندىق پوليتسيا باسقارماسىنىڭ باستىعى داۋرەن وتەبايەۆ.
الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ قاۋلىسىمەن قۇقىق بۇزۋشى توعىز جىل مەرزىمگە كولىك قۇرالىن باسقارۋ قۇقىعىنان ايىرىلدى، سونداي- اق، 25 تاۋلىككە اكىمشىلىك قاماۋعا الىندى. سونىمەن قاتار، اپات بولعان جەردەن كەتىپ قالعانى ءۇشىن كۇدىكتىگە 50 ايلىق ەسەپتىك كورسەتكىش كولەمىندە ايىپپۇل سالىندى. قۇقىق بۇزۋشى اكىمشىلىك قاماۋعا الىنعاندارعا ارنالعان پ د- نىڭ مامانداندىرىلعان قابىلداۋ ورنىنا ورنالاستىرىلدى.
اۆتور: الما مۇقانوۆا
