قاراعاندى وبلىسىنداعى مۇراجايدا تاستان جاسالعان اياق كيىم ساقتالعان
قاراعاندى وبلىسىنىڭ وساكاروۆ اۋدانىندا جاپپاي ساياسي قۋعىن- سۇرگىن كەزىندە ءبىرقاتار كەنتتەر پايدا بولعان. 1952 -جىلى №4 ارنايى كەنتى تسەنترالنوە اۋىلى بولىپ وزگەرتىلدى. بۇل كەنتتەردە جەر اۋدارىلعان ازاماتتاردىڭ تۋىستارى ءالى دە تۇرىپ جاتىر. ولاردىڭ جەرگىلىكتى تاريحتى ەرەكەشە دارىپتەۋى جەرلەستەرىمىز ءۇشىن ماقتانىش سەزىمىن تۋدىرادى.
سەنترالنوە اۋىلى تەك دومبىرا جاساعان مۋزىكا شەبەرحاناسىمەن عانا ەمەس، سونىمەن بىرگە ءوز مۇراجايىمەن دە تانىمال. اتالعان تاريحي زاتتار جالپى ءبىلىم بەرەتىن مەكتەپ قابىرعاسىندا ورنالاسقان جانە كوپتەگەن قىزىقتى ارتەفاكتىلەرى بار. بۇل زاتتاردىڭ بارلىعى ءبىر كەزدەرى اۋىلدىڭ نەگىزىن قالاۋشىلارعا تيەسىلى بولعان. مۇندا نەمىس تىلىندە 1890 -جىلى جارىق كورگەن كيەلى كىتاپ، تۇرمىستىق زاتتار، سونداي- اق اۋىلداستاردىڭ، مايدانگەرلەردىڭ، جاۋىنگەر- ينتەرناتسيوناليستەردىڭ جەكە زاتتارى ساقتالعان. ءبىراق ەڭ تاڭعاجايىپ جادىگەر - كۇل قىزدىڭ اياق كيىمىنە ۇقساس تاس تۋفلي. مۇراجاي قىزمەتكەرىنىڭ ايتۋىنشا، ول مۇراجايعا كەزدەيسوق اكەلىنگەن. اۋىل تۇرعىندارى ەسكى ءۇيدىڭ ورنىن قازۋ كەزىەدە وسى اياق كيىمدى تاۋىپ العان. ول قايدان پايدا بولدى جانە قانشا جىل بۇرىن جاسالعانى بەلگىسىز. مۇمكىن، تۋفليدى وزدەرىمەن بىرگە جەر اۋدارىلعاندار الىپ كەلگەن دەگەن دە بولجام بار.
