قازاقستاندىقتار جاعاجايدا جاتۋ سىندى پاسسيۆ دەمالىستان ارىلىپ كەلەدى
«قازاقستاندا تۋريزم سالاسى بۇگىندە بۇرىن-سوڭدى بولماعان وتكىر جاعدايدا تۇر. ونىڭ سەبەبى تۋريزم مەن كولىك كوروناۆيرۋستان زارداپ شەككەن سالالاردىڭ ءبىرى بولۋىندا. دەگەنمەن، ەكىنشى جاعىنان الىپ قاراعاندا، بىزدە زور رەسۋرس بار جانە قازاقستاندىقتار قازىرگى ۋاقىتتا ءوز ەلىن جاڭا قىرىنان تانىپ جاتىر دەسەك بولادى. ولار بۇرىن بولماعان، تەك سۋرەتتەن عانا كورگەن جەرلەرگە بارىپ ءجۇر. بۇل ورايدا، ادامداردىڭ جاعاجايدا جاتۋ نەمەسە داستارقان باسىندا وتىرۋ سىندى پاسسيۆ دەمالىستان ارىلىپ كەلەدى. ياعني، قىزىقتى وقيعا تۇرىندەگى ساياحات بەلەڭ الۋدا. ول تاۋعا ساياحاتتاۋ، قانداي دا ءبىر سافاري، دجيپ كولىگىمەن ساياحات بولۋى مۇمكىن. جالپى، ءتۋريزمنىڭ بەلسەندى تۇرىنە قىزىعۋشىلىقتىڭ كۇرت ارتۋى الەمدىك ترەند سانالادى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، قازاقستاندا بەلسەندى دەمالىسقا ارنالعان بەلگىلى ءبىر ينفراقۇرىلىم قالىپتاسىپ ۇلگەرگەن. بۇعان قوسا اتالعان ينفراقۇرىلىمدى دامىتۋعا بيزنەس تاراپىنان قىزىعۋشىلىق جوعارى. سونىمەن قاتار ول ق ر تۇڭعىش پرەزيدەنتى نۇرسۇلتان نازاربايەۆ قورى باستاماشىلىق جاساعان ەكونوميكانى سالالىق وزگەرىستەرگە دايىنداۋ جونىندەگى باعدارلامانىڭ جەتەكشىسى ەكەندىگىن اتاپ ءوتتى.
«وسى تۇرعىدا ءوزىن ءوزى رەتتەيتىن تۋريستىك ۇيىم رەتىندە الپەن- كلۋب قۇرىلدى. ول تاۋداعى قاۋىپسىزدىك پەن ستاندارتتى، تۇراقتى ينفراقۇرىلىم قۇرۋدى قامتاماسىز ەتەتىن بولادى» ، - دەدى تيمۋر دۇيسەنعاليەۆ.
