اقتوبەدە شەتەلدىك نومەرلى كولىك يەلەرىن بوپسالاعان توپ ۇستالدى
اقتوبە قالاسى الماتى اۋداندىق پروكۋراتۋراسى ءۇش قالا تۇرعىنىنا قاتىستى قىلمىستىق ءىستى تەرگەپ، سوتقا جىبەردى. سوت الدى تەرگەۋ كەزىندە بوپسالاۋشى توپتىڭ جىمىسقى ارەكەتى بەلگىلى بولدى.
«كۇدىكتىلەر ارمەنيا جانە رەسەيدەن جەتكىزىلگەن، شەتەلدىك كولىكتىڭ ءنومىرىن ۇرلاپ، فوتوعا تۇسىرگەن. كەيىن كولىك جانىنا Telegram مەسسەندجەرىنىڭ مەكەنجايىن قالدىرعان. جابىرلەنۋشىلەر بايلانىسقا شىعىپ، حات قالدىرعان. نەگىزى جابىرلەنۋشىلەر جاڭا ءنومىر الۋى ءۇشىن كولىك تىركەلگەن ەلگە قايتا بارۋى ءتيىس. قورىققاننان جىبەرىلگەن بانك ەسەپشوتىنا 20-50 مىڭ تەڭگە اۋدارىپ، مەكەنجاي سىلتەمەسىمەن ءنومىرىن العان. تەرگەۋ كەزىندە 16 دەرەك انىقتالدى. كۇدىكتىلەردىڭ ءبىرى كامەلەت جاسقا تولماعان ءجاسوسپىرىم بولىپ شىقتى. توپ ۇستالعان سوڭ اقتوبە قالاسىندا كولىك يەلەرىن بوپسالاۋ دەرەگى تىيىلدى»، - دەدى اقتوبە قالاسى الماتى اۋداندىق پروكۋرورى جاسۇلان داۋلەمبايەۆ.
