قىتايدا اشىعان تاماقتى جەپ، جەتى ادام ۋلانىپ قايتىس بولدى
وقيعا جيدۋڭ ۇەزىنىڭ ۆاڭ ەسىمدى تۇرعىنى ءوز وتباسىنىڭ سەگىز مۇشەسىمەن بىرگە ءبىر جىل بويى مۇزداتىلعان كۇيى ساقتالعان جەرگىلىكتى تاعام - اشىعان كەسپەنى جەگەننەن كەيىن بولدى.
پوليتسيا تاعاممەن ۋلاۋ ارقىلى قاساقانا ءولتىرۋ دەگەن نۇسقانى تەرىسكە شىعاردى. سەبەبى وقيعا ورنىندا تابىلعان كەسپەدەن ۋىتتى ماتەريالداردىڭ ءىزى تابىلماعان.
زەرتحانالىق زەرتتەۋلەردىڭ ناتيجەسى كەسپەدەگى افلاتوكسين مولشەرى ءتيىستى نورمادان الدەقايدا اسىپ كەتكەندىگىن كورسەتتى.
تەرگەۋ «كوز جۇمعاندار افلاتوكسينمەن ۋلانعان» دەگەن ۇيعارىمعا كەلىپ وتىر.
