كەنتاۋ ترانسفورماتور زاۋىتىندا دانەكەرلەۋشى روبوت جۇمىس ىستەي باستادى
بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ قازاقپارات حابارلايدى.
ايتا كەتۋ كەرەك، روبوت دانەكەرلەۋ ساپاسىن ارتتىرۋعا جانە كاسىپورىننىڭ ونىمدىلىگىن ارتتىرۋعا ارنالعان. ءبىر دانەكەرلەۋشى ماماننىڭ 8 ساعاتتا اتقاراتىن جۇمىسىن روبوت 20 مينۋت ىشىندە ورىنداپ شىعادى.
Yaskawa Motoman روبوتى جاپونيادا ويلاپ تابىلعان. الايدا شۆەتسيادا قۇراستىرىلىپ، ۋكراينا مەملەكەتىندە ارنايى وندىرىسكە لايىقتى باعدارلاماسى ەنگىزىلگەن. روبوتپەن جۇمىس ىستەۋ ءۇشىن كەنتاۋداعى زاۋىتتان 3 مامان ۋكراينا مەملەكەتىنە بارىپ، ارنايى ءىس- تاجىريبەدەن ءوتىپ كەلگەن. بولاشاقتا زاۋىتتى تاعى دا وسىنداي روبوتتارمەن تولىقتىرۋ جوسپاردا بار.
ايتا كەتەرلىگى، بۇل دانەكەرلەۋشى - قازاقستاندا ىسكە قوسىلعان ەڭ العاشقى روبوت. كەنتاۋ ترانسفورماتور زاۋىتى - ەلەكتر ەنەرگەتيكا، مەتاللۋرگيا، ماشينا جاساۋ، كولىك، مۇناي- گاز كەشەنىن جانە تۇرعىن ءۇي- كوممۋنالدىق سەكتورىن قوسا العاندا، ەكونوميكانىڭ بارلىق سالالارىنا قاجەت كەڭ قولدانىسقا ارنالعان ترانسفورماتور جابدىقتارىنىڭ جەتەكشى قازاقستاندىق ءوندىرۋشىسى. بۇگىندە كاسىپورىننىڭ نەگىزگى مىندەتتەرىنىڭ ءبىرى - ەكسپورتتىق الەۋەتتى ارتتىرۋ.
ءوندىرىس وشاعى «نۇرلى جول» ينفراقۇرىلىمدى دامىتۋدىڭ مەملەكەتتىك باعدارلاماسى شەڭبەرىندە ونىمدەردىڭ ەكسپورتتىق الەۋەتىن ارتتىرۋعا «قازاقستاننىڭ دامۋ بانكى» ا ق تاراپىنان قوسىمشا قارجىلاندىرۋ الدى. ق د ب % 6 - بەن 1,5 ميلليارد تەڭگە مولشەرىندە نەسيە ۇسىندى.
كەنتاۋ ترانسفورماتور زاۋىتى 1959 -جىلدان باستاپ جۇمىس ىستەيدى جانە جابدىقتى جاڭارتۋ قاجەتتىلىگى تۋىندادى، «ونىمدىلىك 2020» مەملەكەتتىك باعدارلاماسى شەڭبەرىندە ق د ب- ليزينگ تاراپىنان ۇسىنىلعان قارجىلاندىرۋعا الەمنىڭ جەتەكشى وندىرۋشىلەرىنەن ترانسفورماتورلار ءوندىرۋ ءۇشىن مەتالل وڭدەۋ ستانوكتارى ساتىپ الىندى. قازىر زاۋىتتا 1153 ادام ەڭبەك ەتەدى.
سونىمەن قاتار، مۇندا پوليتەحنيكالىق كوللەدج بار، وندا ستۋدەنتتەر دۋالدى وقىتۋدان ءوتىپ، سودان كەيىن بىلىمدەرىن زاۋىتتا قولداناتىندىعىن اتاپ وتكەن ءجون. كوللەدج جىل سايىن 100 دەن استام مامان شىعارادى، ولار كەيىن زاۋىتتا جانە «Alageum Electric» ب ك ح ك- دا جۇمىس ىستەيدى.
اۆتور: بالنۇر قوجاگەلدى
