توزىعى جەتكەن جۇك جانە جولاۋشىلار كولىگىن تاپسىراتىندارعا اقشالاي وتەماقى بەرىلەدى

12 - قازاننان باستاپ «و ك م وپەراتورى» يندۋستريا جانە ينفراقۇرىلىمدىق دامۋ، ەكولوگيا، گەولوگيا جانە تابيعي رەسۋرستار مينيسترلىگىنىڭ كەلىسىمىمەن ەسكى كولىكتەردى قايتا وڭدەۋگە قابىلداۋ باعدارلاماسىنا وزگەرىس ەنگىزدى. بۇدان بىلاي توزىعى جەتكەن جۇك جانە جولاۋشىلار كولىگىن تاپسىراتىندارعا دا اقشالاي وتەماقى بەرىلەدى.

«بەرىلەتىن اقشا تاپسىرىلاتىن كولىكتەردىڭ ساناتىنا بايلانىستى ايلىق ەسەپتىك كورسەتكىش (ا ە ك) بويىنشا باعالانادى. ايتالىق م2، N1 (سالماعى 1,3 توننادان كەم كولىك قۇرالىن قوسپاعاندا) جانە N2 ساناتىنداعى كولىك قۇرالدارىنا 144 اەك (400032 تەڭگە) بەرىلەدى. وسى ساناتتاعى تولىق ەمەس جيىنتىقتاعى كولىكتەرگە 126 اەك (350028 تەڭگە) تولەنەدى. اۋىر سالماقتاعى جۇك كولىكتەرى (م3، N3 ساناتى) 600 مىڭ تەڭگەدەن (216 اەك) 550 مىڭ تەڭگەگە (198 اەك) دەيىن باعالانادى»، دەلىنگەن حابارلامادا.

كولىك تاپسىرعاندارعا 2 كۇن ىشىندە بانكتەگى شوتىنا اقشا اۋدارىلادى. ايتا كەتۋ كەرەك كولىكتى جەڭىلدىك سەرتيفيكاتىنا الماستىرۋ باعدارلاماسى ۋاقىتشا توقتاتىلادى. ەستەرىڭىزگە سالايىق ىستەن شىققان كولىكتى قايتا وڭدەۋگە قابىلداۋ باعدارلاماسى ىسكە قوسىلعاننان بەرى قازاقستان بويىنشا 150 مىڭعا جۋىق كولىك جويۋعا تاپسىرىلدى. ونىڭ ىشىندە 2 596-سى ورتاشا تەحنيكا، 600-گە جۋىق اۋىر سالماقتاعى كولىك بار. قابىلدانعان بارلىق ماشينا قاراعاندىداعى ەسكى كولىكتەردى قايتا وڭدەيتىن زاۋىتقا جىبەرىلەدى.

اۆتور: بالنۇر قوجاگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى