قازاقستاندا ەلەكتر ەنەرگياسىنىڭ تاريفى قىمباتتادى

ق ر ۇ ە م ستاتيستيكا كوميتەتىنىڭ مالىمەتىنشە، 2020 -جىلدىڭ قاڭتار- تامىزىندا ەلىمىزدە 69,8 ميلليارد كۆت/ساعات ەلەكتر ەنەرگياسى ءوندىرىلدى. بۇل ءبىر جىل بۇرىن ءدال وسىنداي كولەمنەن 0,3 پايىزعا كوپ. اقشاعا شاققاندا ەلەكتر ەنەرگياسىن ءوندىرۋ، بەرۋ جانە تاراتۋ 787 ميلليارد تەڭگەنى قۇرادى.

جالپى، 2019 -جىلى ەلىىزدە 106,5 ميلليارد كۆت/ساعات ەلەكتر ەنەرگياسى ءوندىرىلىپ، 2018 -جىلمەن سالىستىرعاندا ءوسىم 0,7 پايىز بولعان ەدى. وڭىرلىك شەكتە ادەتتەگىدەي پاۆلودار، قاراعاندى جانە شىعىس قازاقستان وبلىستارى ەلەكتر ەنەرگياسىن كوپ ءوندىردى. وسى ءۇش ءوڭىر ەلىمىزدە وندىرىلگەن جالپى ەلەكتر ەنەرگياسىنىڭ 63,2 پايىزىن بەرىپ وتىر. پاۆلودار وبلىسىندا جالپى ەلەكتر ەنەرگياسىنىڭ 39,1 پايىزى، ناقتى ايتقاندا 27,2 ميلليارد كۆت/ساعاتى ءوندىرىلدى. دەگەنمەن، ءبىر جىل بۇرىنعى كورسەتكىشتەن 3,2 پايىزعا كەم بولعانى بايقالادى.

ال قاراعاندى وبلىسىندا كەرىسىنشە ەلەكتر ەنەرگياسىن ءوندىرۋ 5,1 پايىزعا ارتىپ، 10,6 ميلليارد كۆت/ساعاتتى قۇرادى. ۇزدىك ۇشتىككە كىرەتىن شىعىس قازاقستان وبلىسىندا 6,2 ميلليارد كۆت/ساعات ەلەكتر ەنەرگياسى ءوندىرىلدى. ءوڭىر بيىل ەلەكتر ەنەرگياسىن ءوندىرۋدى وتكەن جىلمەن سالىستىرعاندا 3,2 پايىزعا تومەندەتىپ الدى.

وسى جىلدىڭ قىركۇيەگىندە ەلىمىزدە ەلەكتر ەنەرگياسىنىڭ تاريفى وتكەن جىلدىڭ قىركۇيەگىمەن سالىستىرعاندا 6,6 پايىزعا قىمباتتادى. باعا ءوسىمى اسىرەسە باتىس قازاقستان (1 جىلدىڭ ىشىندە 19,9 پايىزعا ءوسىم)، ەلوردا (15,5) جانە شىمكەنت (10,1) تۇرعىندارىنە قاتتى بايقالدى. ال اقمولا وبلىسىندا ەلەكتر ەنەرگياسى 0,9 پايىزعا ارزانداپ وتىر.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى