تارازدا جۇرت عيمارات ەسىگىن ىشتەن قۇلىپتاپ توي جاساۋدى شىعارعان

ماماندار بۇلاي جالعاسا بەرسە ينفەكسيا قايتا ءورشىپ، قوعامعا ايتارلىقتاي قاۋىپ ءتونۋى مۇمكىن ەكەنىن ايتىپ دابىل قاعىپ وتىر.

قالادا پاندەميا باستالعالى كوروناۆيرۋس جۇقتىرعاندار سانى 1600-گە جۋىقتادى. ەسكەرتۋلەر مەن جۇرگىزىلگەن ءتۇسىندىرۋ جۇمىستارىنا قاراماستان تويحانا قوجايىندارى جۇمىس ىستەۋىن توقتاتار ەمەس. تەكسەرۋ كەزىندە ولار ءبىر كۇننىڭ وزىندە بىرنەشە سالتاناتتى شارانىڭ ۇستىنەن تۇسكەن. كوپ جاعدايدا مەيرامحانالاردىڭ ىشىنە كىرۋ مۇمكىن بولمايدى. توپ مۇشەلەرى ەسىك اشپاعانداردىڭ ەسىگىن بۇزىپ كىرۋگە كوشتى.

قازىر 12 توپ تاۋلىك سايىن مونيتورينگ جۇرگىزەدى. ءتارتىپ بۇزعاندار انىقتالعان جاعدايدا حاتتاما تولتىرىلادى. پاندەميا باستالعالى تويحانا يەلەرىنە 15 ميلليون تەڭگە كولەمىندە ايىپپۇل سالىنعان.

نيكولاي چاگاي، قوعامدىق باقىلاۋ توبىنىڭ مۇشەسى:

- ماسەلەن، كەشە 10 دەرەك تىركەلدى. تويحانالاردا 500 ادامعا دەيىن جينالادى. جاقىندا عانا وسىنداي ۇلكەن تويدىڭ ۇستىنەن تۇستىك. توي يەلەرىنىڭ ءوزى بىزگە تاپ بەرىپ، قارسىلىق بىلدىرەدى. مۇمكىن قوناقتاردىڭ اراسىندا ناۋقاس ادام بار شىعار؟ ءبىر ادام جۇزدەگەن ادامعا ۆيرۋس جۇقتىرۋى مۇمكىن. قانشا تۇسىندىرۋگە تىرىسساق تا جۇرت تۇسىنبەيدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى