تۇندە ۇرلانعان ءبىر ءۇيىر جىلقىنى ايداپ بارا جاتقان بارىمتاشى ۇستالدى

7 - قازان كۇنى قاراعاندى وبلىسى قارقارالى اۋدانى پوليتسيا ءبولىمىنىڭ قىزمەتكەرلەرى «ۋچاسكە» جانە «مال ۇرلاۋ» جەدەل- ىزدەستىرۋ ءىس- شارالارىن وتكىزدى. تۇندە ساعات 22.00-دە ولار دالادان ءبىر ءۇيىر جىلقىنى (30 جىلقى) بايقاعان. كۇدىكتەنگەن پوليتسيا ءۇيىردى ايداعان جىلقىشىنى ۇستادى.

«باستاپقىدا جىلقىشى بۇل ءوزىنىڭ جىلقىسى ەكەنىن ايتقان. ءبىراق پوليتسيا بارلىق جەرگىلىكتى مالشىلاردى جاقسى بىلەتىن بولعاندىقتان، ونىڭ ايلاسى ىسكە اسپادى. ۇستالعان ازامات 58 جاستاعى شىعىس قازاقستان وبلىسىنىڭ تۇرعىنى بولىپ شىقتى. ول بۇرىن ىشكى ىستەر ورگاندارىندا ەسەپتە تۇرعان»، - دەپ اتاپ ءوتتى قاراعاندى وبلىسى پ د باسشىسى ەرلان فايزۋللين.

انىقتالعانداي، وسىدان 40 مينۋت بۇرىن ەر ادام شوپان قىستاعىنىڭ جانىندا جايىلىپ جۇرگەن 30 جىلقىنى ۇرلاپ كەتكەن. جابىرلەنۋشى - 47 جاستاعى اۋىل تۇرعىنى. ق ر ق ك 188-1-بابى «مال ۇرلىعى» بويىنشا قىلمىستىق ءىس قوزعالدى . تەرگەۋ امالدارى جۇرگىزىلۋدە. ۇستالعان ادام ۋاقىتشا ۇستاۋ يزولياتورىنا قامالدى.

اۆتور: اياۋلىم التىنبەك

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى