جاپونيادا قازاقستانداعى جوعارى تەحنولوگيالىق جوبالار تانىستىرىلدى

ءىس- شارانى ق ر س ءى م ينۆەستيتسيالاردى تارتۋدىڭ ءۇش دەڭگەيلى جۇيەسى اياسىندا جاپونيانىڭ جاڭا تاۋەلسىز مەملەكەتتەرىمەن ساۋدا جونىندەگى قاۋىمداستىعىمەن (ROTOBO) تىعىز ىنتىماقتاستىقتا قازاقستاننىڭ جاپونياداعى ەلشىلىگى جانە «قازاق ينۆەست» اق ۇيىمداستىردى. ىسكەرلىك كەڭەستىڭ ءتوراعاسى، «iMaruben» كورپوراتسياسى باسقارما ءتوراعاسىنىڭ ورىنباسارى يچيرو تاكاحارا ءىس- شارانى اشا وتىرىپ، كورونوۆيرۋستىق داعدارىستان تابىستى شىعۋ ءۇشىن قازاقستان مەن جاپونيا ءداستۇرلى سالالاردا عانا ەمەس، سيفرلاندىرۋ، قارجى جانە جاسىل ەكونوميكانى قوسا العاندا، جاڭا تاۋاشالاردا ساۋدا- ەكونوميكالىق ىنتىماقتاستىقتى تەرەڭدەتۋى قاجەتتىگىن اتاپ ءوتتى.

جوبالار اراسىندا ەلەكتروموبيلدەر مەن باتارەيالار ءوندىرىسىن قۇرۋ، سورعى جابدىقتارىن، قۇبىر ارماتۋراسىن جانە اسينحروندى ەلەكتر قوزعالتقىشتارىن ءوندىرۋ، روبوتتاردىڭ وقۋ- وندىرىستىك كەشەنىن، تەمىرجول سەرىپپەلەرىن جاساۋ جەلىسىن سالۋ، تۇرمىستىق تەحنيكا ءوندىرىسى، زاعيپ جانە ناشار كورەتىن ادامدارعا ارنالعان تيفلوتەحنيكالىق قۇرالداردى ازىرلەۋ جانە ءوندىرۋ جونىندەگى عىلىمي- تەحنيكالىق ورتالىعى بار زاۋىت، مىس ءوندىرۋ جونىندەگى گيدرومەتاللۋرگيالىق زاۋىت سالۋ جونىندەگى ۇسىنىستار قىزىعۋشىلىق تۋدىردى. فورۋمعا «Marubeni»، «Sumitomo»، «Mitsui Co»، «Toyota Tsusho»، «Komatsu»، «Sojitz»، «Toyota Engineering» ، «Nissin» ، «Yokogawa Electric» كومپانيالارىنىڭ، سونداي- اق «Mizuho Bank» جانە «MUFG Bank» قارجى كورپوراتسيالارىنىڭ وكىلدەرى قاتىستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى