قىرعىزستاندا جاپپاي تارتىپسىزدىكتى ۇيىمداستىرۋشىلار جازالانادى - قاۋىپسىزدىك كوميتەتى
قىرعىزستاننىڭ ۇلتتىق قاۋىپسىزدىك مەملەكەتتىك كوميتەتى وسىلاي ءمالىم ەتتى، دەپ حابارلايدى قازاقپارات كابار اگەنتتىگىنە سىلتەمە جاساپ.
قىرعىزستاننىڭ ۇلتتىق قاۋىپسىزدىك مەملەكەتتىك كوميتەتىنە كەلىپ تۇسكەن جەدەل اقپاراتتا جەكەلەگەن كۇشتەر ءوزىنىڭ ساياسي ماقساتتارىنا قول جەتكىزۋ ءۇشىن ەلدىڭ بەيبىت ازاماتتارىنىڭ دەنساۋلىعى مەن ومىرىنە قاۋىپ توندىرە وتىرىپ اتىس قارۋىن پايدالانىپ اۋقىمدى جاپپاي تارتىپسىزدىكتى ۇيىمداستىرماق بولعانى كورسەتىلگەن.
وسىعان بايلانىستى ەلدىڭ ۇ ق م ك جانە ءى ءى م جەكە قۇرامى كۇشەيتىلگەن قىزمەت تۇرىنە اۋىستىرىلدى، زاڭسىزدىقتى تىركەۋ، الدىن الۋ جانە جولىن كەسۋ، جاپپاي تارتىپسىزدىكتى وقشاۋلاۋ جانە ولاردىڭ ۇيىمداستىرۋشىلارىن ۇستاۋ ماقساتىندا ۆەدومستۆوارالىق جەدەل شتاب قۇرىلدى.
قىرعىزستاننىڭ ۇ ق م ك ەلدەگى قوعامدىق-ساياسي جاعدايدى تەز ارادا تۇراقتاندىرۋعا مۇددەلى تاراپتارعا جاپپاي تارتىپسىزدىك ۇيىمداستىرۋعا جانە رەسپۋبليكاداعى كۇردەلى جاعدايدى تۇراقسىزداندىرۋعا نيەت بىلدىرگەن ادامداردى انىقتاۋعا باعىتتالعان ۇلتتىق قاۋىپسىزدىك ورگاندارى قابىلداعان شارالاردى كۇشەيتۋ تۋرالى جەتكىزۋ قاجەت دەپ سانايدى. قولدا بار دەرەكتەر قازىرگى كەزدە ءارتۇرلى ميتينگىلەردى ۇيىمداستىرۋ سالدارى اۋىر جاعدايعا جەتكىزۋى مۇمكىندىگىن كورسەتەدى. وسىنداي ارەكەتتەرگە قولدانىستاعى زاڭنامادا ۇزاق مەرزىمگە باس بوستاندىعىنان ايىرۋ تۇرىندەگى قىلمىستىق جاۋاپكەرشىلىك قاراستىرىلعان.
اۆتور: گۇلزات اقجولوۆا
