بەيبىتشىلىك سالاسىنداعى نوبەل سىيلىعىن ب ۇ ۇ- نىڭ دۇنيەجۇزىلىك ازىق- تۇلىك باعدارلاماسى الدى
وسى سىيلىققا شۆەتسيانىڭ ەكولوگيا بەلسەندىسى گرەتا تۋنبەرگ تە وسى ۇمىتكەر رەتىندە ۇسىنىلعان، ونىڭ جاسى 17 دە. ونىڭ كانديداتۋراسىن نورۆەگيا پارلامەنتىنىڭ ءۇش مۇشەسى جانە شۆەتسيادان كەلگەن ەكى دەپۋتات ۇسىنعان. سىيلىققا يە بولۋى مۇمكىن ىقتيمال ۇمىتكەرلەردىڭ قاتارىندا دۇنيەجۇزىلىك دەنساۋلىق ساقتاۋ ۇيىمى، جاڭا زەلانديانىڭ پرەمەر- ءمينيسترى دجاكيندا اردەرن جانە «شەكاراسىز رەپورتەرلار» دەپ اتالاتىن جۋرناليستەر قۇقىعىن قورعاۋ ۇيىمى بولدى. سىيلىققا ەكى جۇزدەن استام ۇيىمدار مەن الەم قايراتكەرلەرى، سونىڭ ىشىندە ەلدەگى ايەلدەر قۇقىعى ءۇشىن كۇرەسەتىن اۋعان بەلسەندىسى فاۋزيا كۋفي، ب ۇ ۇ باس حاتشىسى انتونيۋ گۋتتەريش، گەرمانيا كانتسلەرى انگەلا مەركەل، سونداي- اق سۋداننىڭ ستۋدەنتى الاا سالاح ۇسىنىلدى، ول ەلدەگى ريەۆوليۋتسيانىڭ باستى تۇلعالارىنىڭ ءبىرى.
ەستەرىڭىزگە سالا كەتەيىك,2014 -جىلى نوبەل سىيلىعىنىڭ ەڭ جاس يەگەرى پاكىستاندىق مەكتەپ وقۋشىسى مالالا يۋسۋفزاي بولعان ەدى. ول ماراپات العان ساتتە ول 17 جاستا بولاتىن. وتكەن جىلى ەفيوپيانىڭ پرەمەر- ءمينيسترى ءابي احمەد ءالي كورشى ەريترەيامەن قاقتىعىستى رەتتەگەنى ءۇشىن نوبەل سىيلىعىن الدى. 1901 -جىلدان باستاپ نوبەل سىيلىعى 100 رەت بەرىلدى. ون توعىز رەت كوميتەت نوبەل وسيەتىندە ايتىلعانداي، «حالىقتار اراسىنداعى باۋىرلاستىق ءۇشىن، اسكەرلەردى جويۋ نەمەسە قىسقارتۋ جانە بەيبىت فورۋمداردى قولداۋ ءۇشىن باسقالاردى كوبىرەك جاسايتىن» لايىقتى قايراتكەرلەردى تاپپادى.
