اسقار مامين رەسەيدىڭ ءىرى كومپانيالارىنىڭ باسشىلىعىمەن بىرلەسكەن جوبالاردى ىسكە اسىرۋ ماسەلەسىن تالقىلادى
ر ف ونەركاسىپ جانە ساۋدا ءمينيسترى د. مانتۋروۆپەن وتكەن كەزدەسۋدە وڭدەۋ ونەركاسىبىندەگى (ماشينا جاساۋ، مەتالل وڭدەۋ، حيميا ونەركاسىبى جانە ت. ب. ) بىرلەسكەن جوبالاردى ىسكە اسىرۋدىڭ جاي- كۇيى مەن كەلەشەگى، سونداي- اق ەكىجاقتى فورماتتا جانە ەاەو اياسىندا ساۋدانى كەڭەيتۋ ماسەلەسى تالقىلاندى.
سبەربانككە بارىپ، باسقارما ءتوراعاسى گ. گرەفپەن كەزدەسۋ كەزىندە ق ر ۇكىمەتىنىڭ باسشىسى جاساندى زەردە، جيىنتىقتى ەسەپتەۋلەر مەن روبوت تەحنيكاسى سالاسىنداعى، ونىڭ ىشىندە دەنساۋلىق ساقتاۋ، ءبىلىم بەرۋ، لوگيستيكا، كورپوراتيۆتىك جانە مەملەكەتتىك باسقارۋ سالالارىندا قولدانىلاتىن وزىق جوبالارمەن تانىستى. تاراپتار اتالعان سالالارداعى، سونداي- اق ءبىلىم بەرۋدى سيفرلاندىرۋداعى جانە «استانا» حالىقارالىق قارجى ورتالىعىنىڭ پلاتفورماسىندا ات- مامانداردى بىرلەسىپ دايارلاۋداعى ىنتىماقتاستىقتىڭ پەرسپەكتيۆالارىن قاراستىردى. ۆەب. رف مەملەكەتتىك دامۋ كورپوراتسياسىنىڭ ءتوراعاسى ي. شۋۆالوۆپەن وتكەن كەزدەسۋدە ەاەو كەڭىستىگىندە بىرلەسكەن ينۆەستيتسيالىق جوبالاردى ىسكە اسىرۋ، ەكونوميكانى تەحنولوگيالىق جاڭعىرتۋ جانە سيفرلاندىرۋ، شيكىزاتتىق ەمەس سەكتورداعى ساۋدانى كەڭەيتۋ جانە ت. ب. ماسەلەلەر تالقىلاندى.
«روس گەولوگيا» باسقارما ءتوراعاسى س. گوركوۆپەن، «روس اتوم» مەملەكەتتىك كورپوراتسياسىنىڭ باس ديرەكتورى ا. ليحاچيەۆپەن، «روس كوسموس» باس ديرەكتورى د. روگوزينمەن وتكەن كەزدەسۋلەردە ەكى ەلدىڭ گەولوگيا، ەنەرگەتيكا جانە عارىش سالالارىنداعى ىنتىماقتاستىعىنىڭ وزەكتى ماسەلەلەرى تالقىلاندى.
ساپارعا ق ر پرەمەر- ءمينيسترىنىڭ ءبىرىنشى ورىنباسارى ءا. سمايىلوۆ، ستراتەگيالىق جوسپارلاۋ جانە رەفورمالار جونىندەگى اگەنتتىكتىڭ ءتوراعاسى – ا ح ق و باسقارۋشىسى ق. كەلىمبەتوۆ، ق ر سيفرلىق دامۋ، يننوۆاتسيالار جانە ايەروعارىش ونەركاسىبى ءمينيسترى ب. مۋسين، ق ر- نىڭ ر ف- تەگى توتەنشە جانە وكىلەتتى ەلشىسى ە. كوشەربايەۆ جانە ت. ب. قاتىستى.
