قاراعاندى وبلىسىندا قۇماي تازى ءوسىرۋ قايتا جاڭعىرتىلىپ جاتىر
«قازاق ءۇشىن تازى ءارقاشان جەتى قازىنانىڭ ءبىرى، قۇندى جانۋار سانالعان. وسىنداي يتتەردى ءوسىرىپ- باپتاۋ ونىڭ يەسىنە دە، ۇرپاقتارىنا دا ەرەكشە جاۋاپكەرشىلىك جۇكتەيدى. ءبىز ءار جانۋارعا ۇقىپتى قارايمىز، ولاردى ءوز بالالارىمىزداي جاقسى كورەمىز»، - دەپ اتاپ ءوتتى قازبەك ءابدىراحمانوۆ.
ول اسىل تۇقىمدى يتتەردى قولعا ۇيرەتۋمەن بالا كەزىنەن اينالىسا باستاعان. ەندى ءوزىنىڭ بىلگەن- تۇيگەنىن ۇلىنا ۇيرەتىپ ءجۇر. قازبەك ءابدىراحمانوۆتا قازىر بەس ەرەسەك تازى جانە ءبىر كۇشىك بار. ول رەسپۋبليكالىق «قانسونار» قاۋىمداستىعىمەن بەلسەندى جۇمىس ىستەيدى. اۋىل جاستارىنا كوكپار ويىنىن ۇيرەتىپ جاتىر.
«ءبىزدىڭ اۋىلدا دا، جالپى ەلىمىزدە دە ءار ادام ءوزىنىڭ ءتۇپ- تامىرىن ۇمىتپاي، ۇلتتىق سالت- ءداستۇرىن بىلسە دەيمىن. ءبىز ولاردى ۇرپاقتان- ۇرپاققا ۇيرەتۋىمىز كەرەك. مەن جاس اۋىلداستاردان قۇرالعان كوماندا جينادىم، كوكپاردان جارىستارعا قاتىسىپ، جەڭىسكە جەتتىم»، - دەيدى يت ءوسىرۋشى.
اۆتور: اگاتا مۋحامەدجانوۆا
