قاراعاندىدا ءۇش ادامنىڭ ءومىرىن قيعان ءورتتىڭ سەبەبى انىقتالدى
ءبىر كۇندە ءبىر- بىرىمەن ەشقانداي بايلانىسى جوق ءتۇرلى جاعداي جونىندە ەكى قوڭىراۋ كەلىپ تۇسكەن، دەپ حابارلايدى قازاقپارات ءتىلشىسى.
ساعات 12.30 دا شاتىردا ءتۇتىن شىققاندىقتان ءورت سوندىرۋشىلەر شاقىرىلعان. قوڭىراۋ №7^- كىرەبەرىس تۇرعىندارىنان كەلىپ تۇسكەن. كەلگەن قۇتقارۋشىلار شاتىردى جابۋ كەزىندە ءورت قاۋىپسىزدىگىنىڭ ساقتالماعاندىعىن انىقتادى. كىنالىلەر جازالاندى. بۇل وقيعا ودان كەيىن بولعان №11- كىرەبەرىستىڭ توعىزىنشى قاباتىنداعى پاتەردەگى ورتكە ەشقانداي قاتىسى جوق. قازىرگى بولجام بويىنشا، ءۇش ادامنىڭ ءومىرىن قيعان ءورتتىڭ شىعۋىنا جىلىتقىش سەبەپشى بولدى. سپيكەر، «جىلىتۋ ماۋسىمى باستالعاندا پاتەردە نەلىكتەن جىلىتقىش قوسىلعان؟ « دەگەن سۇراققا جاۋاپ بەردى.
«تەپلوترانزيت» ج ش س ديرەكتورىنىڭ تەحنيكالىق ورىنباسارى يۆان ۆىتكيننىڭ ايتۋىنشا، بۇل ۇيگە جىلۋ جىبەرۋ كەزىندە №9 كىرەبەرىستىڭ جەرتولەسىندە جىلۋ تراسساسىندا اقاۋ بايقالعان. بۇگىندە پ ي ك قىزمەتكەرلەرى اقاۋدى جويدى، جاقىن ارادا جىلۋ بەرىلەتىن بولادى.
«قۇبىرلارداعى انىقتالعان اقاۋ - بۇل ءبىرىنشى كەزەكتە پ ي ك- ءتىڭ تولىققاندى جۇمىس ىستەمەۋىنىڭ سالدارى. پاتەر يەلەرى كووپەراتيۆتەرىنىڭ بارلىق باسشىلارىنا جۇگىنگىم كەلەدى. جۇمىسىڭىزعا بارىنشا جاۋاپكەرشىلىكپەن قاراۋ كەرەك. كوپ نارسە باسقارۋ ورگاندارىنىڭ كوندومينيۋمدار اۋماعىندا قالاي دۇرىس جۇمىس ىستەيتىنىنە بايلانىستى»، - دەدى قاراعاندى قالاسىنىڭ قازىبەك بي اتىنداعى اۋدانىنىڭ اكىمى نۇرلان رىستين.
ەسكە سالا كەتەيىك، 7 -قازان كۇنى قاراعاندىدا 9-قاباتتاعى ەكى بولمەلى پاتەردىڭ 50 شارشى مەتر اۋماعىن ءورت شارپىعان. ورتەنگەن پاتەردە ءۇش ادام مەرت بولدى. ولار - 78 جاستاعى جانە 35 جاستاعى ايەلدەر مەن ءبىر جاسقا تولماعان نارەستە. ەرمەكوۆ كوشەسىندە ورىن العان اتالمىش توتەنشە جاعدايعا قاتىستى تەرگەۋ باقىلاۋعا الىندى. ناتيجەلەر كەيىن جاريالاناتىن بولادى.
