الماتىدا كوپىر ۇستىندە قاۋىپتى تريۋك جاساعان ادام پوليتسياعا جەتكىزىلدى
ەكسترەمالدى تاسپاعا ءتۇسىرىپ العان كۋاگەرلەر بەينەجازبانى الەۋمەتتىك جەلىگە جۇكتەگەن. ۆيدەودان ەر ادام كوپىردىڭ ۇستىندە اياعىن كوتەرىپ، قولمەن ءجۇرىپ بارا جاتقانىن كورۋگە بولادى. پوليتسيا دەپارتامەنتىنىڭ باسپا ءسوز قىزمەتى ءمالىم ەتكەندەي، ادامدار 102 پۋلتىنە كوپىردىڭ ۇستىندە جۇرگەن ادام تۋرالى حابار بەرگەن. پاترۋلدىك پوليتسيا ەكيپاجى ونى تەرگەۋ ءۇشىن اۋەزوۆ اۋداندىق پوليتسيا باسقارماسىنا جەتكىزدى.
«بەلگىلى بولعانداي، 25 جاستاعى ا. ەسىمدى ازامات، ءوزىنىڭ كاسىبي اكروباتيكامەن اينالىساتىنىن ايتقان. وسى كەزدە دوسى ونى درونمەن ۆيدەوعا ءتۇسىرىپ جۇرگەن. ولار ءبىر بەينەروليك دايىنداپ جۇرگەن. قازىرگى ۋاقىتتا ونىڭ ارەكەتتەرى ق ر اكىمشىلىك قۇقىق بۇزۋشىلىق تۋرالى زاڭنىڭ 434-بابى بويىنشا جىكتەلدى. ول ۇساق بۇزاقىلىق ءۇشىن جاۋاپقا تارتىلادى»، - دەپ حابارلادى پوليتسيادان.
