تۇركىستاندا جۋرناليست بەيسەن قۇرانبەك جايلى كىتاپ تانىستىرىلدى
جەتىسۋ وڭىرىنەن تۇركى الەمىنىڭ بەسىگى تۇركىستان شاھارىنا جەتكەن «ءبىزدىڭ بەيسەن» كىتابى وڭىردەگى بارلىق كىتاپحانالاردىڭ تورىنەن ورىن الماق، دەپ حابارلايدى قازاقپارات ءتىلشىسى.
احمەت ياساۋي اتىنداعى حالىقارالىق قازاق- تۇرىك ۋنيۆەرسيتەتىنىڭ عىلىمي كىتاپحاناسىندا وتكەن رۋحاني جيىنعا ۋنيۆەرسيتەتتىڭ جۋرناليستيكا كافەدراسىنىڭ بەلسەندى جاستارى قاتىستى. ەلباسى نۇرسۇلتان نازاربايەۆ پەن ق ر پرەزيدەنتى قاسىم- جومارت توقايەۆتىڭ كوڭىل ايتۋىنان باستالعان جيناقتا تانىمال ەل اعالارىنىڭ ەستەلىگى مەن زامانداستارىنىڭ تولعانىستارى، اقىنداردىڭ ارناۋ جىرلارى مەن قاراپايىپ كورەرمەندەردىڭ ىستىق ىقىلاسى، ساعىنىشى توپتاستىرىلعان. قاراپايىمدىلىعىمەن قالىڭ قازاقتىڭ ەسىندە قالعان قوعام قايراتكەرىنە ارنالعان تۋىندىنىڭ تۇساۋكەسەرى دارا تۇلعانىڭ تۇركىستان وبلىسىنداعى ارىپتەس، دوس، زامانداستارىنىڭ باسىن قوستى. ولار حالقىنىڭ جانىنا جالاۋ بولعان ازاماتتىڭ بولمىسىن تانىتاتىن وقيعالاردى ەسكە الىپ، اسەرلى ەستەلىكتەردى ايتتى.
ەركىن فورماتتا وتكەن كەزدەسۋدە بەيسەن قۇرانبەكتىڭ كۋرستاسى، قر جۋرناليستەر وداعىنىڭ تۇركىستان وبلىستىق فيليالىنىڭ ءتوراعاسى عالىمجان ەلشىباي ءسوز سويلەدى. وقۋ ورداسىنىڭ جۋرناليستيكا ماماندىعى بويىنشا ءبىلىم الىپ جاتقان ستۋدەنتتەرىنە بەيسەن قۇرانبەك اتىنداعى 3 ستيپەنديا تاعايىندالاتىنىن جەتكىزدى. كەزدەسۋ سوڭىندا جاڭا كىتاپ ۋنيۆەرسيتەت كىتاپحاناسىنا جانە جۋرناليستيكا كافەدراسىنا سىيعا تاپسىرىلدى. جيناق قازاق ەلىنىڭ ءبىرتۋار پەرزەنتى، تەلەجۋرناليستيكا تارلانى - بەيسەن قۇرانبەكتى قۇرمەتپەن ەسكە الۋشى قالىڭ كوپشىلىككە ارنالعان.
