نەگىزسىز سالىق تولەۋ تۋرالى حابارلاما كەلىپ تۇرسا قايدا جۇگىنۋگە بولادى
بۇل سۇراققا ق ر ق م مەملەكەتتىك كىرىستەر كوميتەتى ءتوراعاسىنىڭ ورىنباسارى ازامات سادىقوۆ جاۋاپ بەردى، دەپ حابارلايدى قازاقپارات ءتىلشىسى.
«سالىق تولەۋ ءتارتىبىن، سالىقتىق اكىمشىلەندىرۋ سالاسىن جەڭىلدەتىپ، سيفرلاندىرۋ ءۇشىن ءبىرشاما باعىتتا جۇمىس جۇرگىزىپ جاتىرمىز. وسى ۋاقىتقا دەيىن نە تىندىردىق؟ بىرىنشىدەن مەملەكەتتىك ورگانداردىڭ اقپاراتتىق جۇيەلەرىمەن ونلاين ينتەگراتسيا رەتكە كەلتىرىلدى. ياعني قازىرگى ۋاقىتتا سالىق ورگاندارى ونلاين رەجيمدە وزىنە قاجەتتى مالىمەتتەردى الا الادى. سونىمەن قاتار مەملەكەتتىك كىرىستەر كوميتەتىنىڭ eSalyq موبيلدى قوسىمشاسى جۇمىس ىستەپ تۇر»، - دەدى مەملەكەتتىك كىرىستەر كوميتەتى ءتوراعاسىنىڭ ورىنباسارى ازامات سادىقوۆ تىكەلەي ەفيردە سويلەگەن سوزىندە.
ونىڭ ايتۋىنشا اتالمىش موبيلدى قوسىمشادا سالىقتىق ءاميان قىزمەتى ىسكە قوسىلعان.
«ول سالىق تولەۋشىلەردىڭ كوپتەگەن ماسەلەسىن شەشە الادى. ءقازىر سالىق تولەۋ ءۇشىن مىندەتتى تۇردە سالىق ورگاندارى مەكەمەسىنە بارۋدىڭ قاجەتى جوق. بۇل قوسىمشانى ۇيالى تەلەفوندارعا جۇكتەپ الۋعا بولادى. سونىمەن قاتار سالىق ءاميانىن تولتىرىپ الۋ مۇمكىندىگى دە بار. سونداي- اق بۇل قوسىمشا قازىرگى جانە الداعى سالىقتىق مىندەتتەر تۋرالى اقپارات بەرىپ وتىرادى»، - دەدى ول.
ازامات سادىقوۆ مەملەكەتتىك كىرىستەر كوميتەتى اكىمشىلىك پوليتسيا قىزمەتىمەن بىرگە سالىق ءاميانىندا كولىك قۇرالدارى بويىنشا مالىمەتتەردى تۇزەۋ سەرۆيسى ىسكە قوسىلعانىن جەتكىزدى.
«بۇل دەگەنىمىز نە؟ ىشكى ىستەر ورگاندارىنىڭ سالىق تۋرالى جىبەرگەن حابارلامامەن كەلىسپەگەن جاعدايدا سالىق تولەۋشى ۋاكىلەتتى ورگانعا بۇل مالىمەتتى تۇزەۋ تۋرالى حابارلاما جولداي الادى. ۋاكىلەتتى ورگان ول اقپاراتتى تەكسەرىپ، شىنىندا دا قاتەلىك كەتكەنىن انىقتاسا، مالىمەتتەردى تۇزەپ، ول تۋرالى حابارلاما بىزگە تۇسەدى. ءتيىسىنشى قارىز بويىنشا مالىمەت تۇزەتىلەدى. جىلجىمايتىن مۇلىك بويىنشا مالىمەتتەردى تۇزەۋ سەرۆيسى دە وسىنداي ادىسپەن جۇمىس جۇرگىزەدى»، - دەدى ول.
