قوستاناي وبلىسىندا ەلىك اتقاندار ۇستالدى
ءتارتىپ ساقشىلارى رەيد كەزىندە اۋليەكول اۋدانىنا قاراستى باسامان ورمان القابى ماڭىنان ۆاز-21214 ماركالى اۆتوكولىگى توقتاتادى. كولىكتە رۋدنىي قالاسىنىڭ تۇرعىندارى بولعان.
«اۆتوكولىكتى تەكسەرۋ كەزىندە پوليتسيا قىزمەتكەرلەرى ءسىبىر ەلىگىنىڭ ءۇش تەرىسىن جانە تىركەلمەگەن اڭشىلىق قارۋدىڭ ەكى داناسىن تاپتى. ولاردا جانۋارلاردى اتۋعا رۇقسات قۇجاتىنىڭ جوق ەكەنى انىقتالدى. پوليتسيا تەرگەۋ جۇمىستارىن باستادى. بيولوگيالىق، بالليستيكالىق جانە تراسولوگيالىق ساراپتامالار تاعايىندالدى»، - دەيدى قوستاناي وبلىسى پ د تابيعاتتى قورعاۋ پوليتسياسى بولىمشەسىنىڭ اعا ينسپەكتورى حازرەتالى ءالىمعازين.
الدىن الا شىعىن 250 اەك- كە جەتىپ وتىر، ءبىراق ناقتى شىعىن سوماسى بيولوگيالىق ساراپتامادان كەيىن انىقتالادى.
اۆتور: قاسقىرباي قويشىمانوۆ
