تارازدا «اناعا تاعزىم» ورتالىعىنىڭ قۇرىلىسى باستالدى
تاراز قالاسى جاقىن ۋاقىتتا مەكتەپتەن تىس شىعارماشىلىق ورتالىعىمەن تولىقپاق. ونىڭ قۇرىلىسى باستالىپ، ىرگەتاسىن قۇيۋ ءۇشىن شۇڭقىر قازىلىپ قويعان. مەردىگەرلەرمەن قۇرىلىس الاڭىندا جولىققان ايماق باسشىسى قوسىمشا ءبىلىم نىسانىنىڭ مەرزىمىندە اياقتالۋ كەرەكتىگىن تاپسىردى.
ورتالىققا جاقىن اۋماقتا «اناعا تاعزىم» اتتى مونۋمەنت پەن ورتالىق بوي كوتەرمەك. بۇل نىسان بالالارى ءۇشىن بارىن سالعان باتىر انالارعا قۇرمەت كورسەتۋدىڭ نىشانى بولماق. وندا ۇلتتىق قۇندىلىقتارىمىز بەن سالت- ءداستۇرىمىز دارىپتەلىپ، جاستارعا ونەگەلى ءومىر سۇرگەن، ەرلىگىمەن ەستە قالعان تانىمال ايەلدەر، بەلگىلى تۇلعالاردىڭ انالارى تۋرالى كەڭ ماعلۇمات بەرىلەتىن بولادى. بەلگىلەنگەن ورىننىڭ جانىندا اۋرۋحانا ورنالاسقان. بەردىبەك ساپاربايەۆ مونۋمەنت پەن ماڭىنداعى ءۇش قاباتتى عيماراتتىڭ سىرت كەلبەتى اينالاسىنداعى نىساندارمەن ۇيلەسىمدى بولۋى كەرەكتىگىنە ءمان بەردى. جوسپارعا ساي، قۇرىلىس كەلەر جىلدىڭ ناۋرىزىندا اياقتالۋى كەرەك.
