قازاقستاندا ەلەكتر ساموكات پايدالانۋ ەرەجەسى ازىرلەنەدى

بۇل تۋرالى ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى سەرىك ءتۇسىپوۆ ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا دەپۋتاتتار «جول ءجۇرىسى سالاسىنداعى كەيبىر زاڭنامالىق اكتىلەرگە وزگەرتۋلەر ەنگىزۋ تۋرالى» زاڭ جوباسىنا باستاماشالىق جاساعاندىعىن حابارلاعىم كەلەدى. وندا ساموكاتتار، ەلەكتر ساموكاتتارى مەن سكۋتەرلەردى پايدالانۋ بويىنشا تۇزەتۋلەر، وزگەرتۋلەر جانە قوسىمشالار ەنگىزۋ كوزدەلگەن. ونىڭ ىشىندە اتالعان قوزعالىس قۇرالىن پايدالاناتىن تۇلعالاردىڭ قۇقىقتارىمەن قاتار مىندەتتەرى دە رەگلامەنتتەلەتىن بولادى. تولىق اقپارات الۋ ءۇشىن اتالعان زاڭ جوباسىن باستاماشىلارعا، ازىرلەۋشىلەرگە جۇگىنگەن ءجون»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

اتالعان باسپا ءسوز ءماسليحاتى بارىسىندا ول ەلىمىزدە 2020 -جىلدىڭ 9 ايىندا 8933 جول-كولىك اپاتى ورىن الىپ، سالدارىنان 1265 ادام قازا تاپقانىن، 11780 ادام جاراقات العانىن ايتقان ەدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى