پرەزيدەنت قۇس تۇماۋىنىڭ ورشۋىنە بايلانىستى اۋىل شارۋاشىلىعى ءمينيسترىن سىنعا الدى
«ازىق- تۇلىك قاۋىپسىزدىگى مەن الەۋمەتتىك ماڭىزى بار ازىق-تۇلىك تاۋارلار ماسەلەسى ەرەكشە نازار اۋدارۋدى تالاپ ەتەدى. جوعارى پاتوگەندى قۇس تۇماۋىنىڭ ءورشۋى ازىق-تۇلىك قاۋىپسىزدىگى سالاسىنىڭ كەمشىلىگىن ايقىنداپ بەردى. بۇل رەتتە مەن ءۋاجىمدى اۋىل شارۋاشىلىعى مينيسترلىگىنە ايتسام دەيمىن»، - دەدى پرەزيدەنت كوروناۆيرۋس ىندەتىنىڭ ەكىنشى كەزەڭىنە دايىندىق ماسەلەلەرى بويىنشا كەڭەستە سويلەگەن سوزىندە.
قاسىم-جومارت توقايەۆ ۆەتەرينارلىق شارالارمەن قاتار اۋىلداعى شارۋالاردىڭ جاعدايىن ايتا وتىرىپ، جەكە اۋلالار مەن قۇس فابريكالارىنىڭ شىعىنىن جابارلىق ەكونوميكالىق تەتىكتەردى ويلاستىرۋدى تاپسىردى.
اۆتور: ايان بەكەن ۇلى
