شىعىس قازاقستان وبلىسىندا ايۋ اتقان ەر ادام ۇستالدى

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، قازان ايىنىڭ باسىندا تابيعات قورعاۋ پوليتسياسى شەمونايحا اۋدانى، بولشايا رەچكا اۋىلىنان سولتۇستىككە قاراي 7 شاقىرىم جەردە جۇرگىزىلگەن رەيد بارىسىندا ايۋدىڭ ولەكسەسىن تاپتى.

جەدەل- ىزدەستىرۋ شارالارى ناتيجەسىندە سول اۋىلدىڭ 26 جاستاعى تۇرعىنى ۇستالعان. بەلگىلى بولعانداي، ەر ادام تۇزاق ورناتىپ، تىركەلمەگەن ەكى ۇڭعىلى مىلتىقپەن ايۋدى اتىپ العان. سودان كەيىن جابايى اڭدى سويىپ، ەتىن وزىمەن بىرگە الىپ كەتكەن.

«كۇدىكتىنىڭ ءۇيىن ءتىنتۋ كەزىندە تىركەلمەگەن ەكى ۇڭعىلى مىلتىق پەن وقتار، پىشاق، موتوتسيكل، ايۋ ەتى سالىنعان 50-دەن استام پوليەتيلەن پاكەت تاركىلەندى. اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 337-بابى 1- بولىگىمەن سوتقا دەيىنگى تەرگەۋ باستالدى»، - دەيدى ش ق و پوليتسيا دەپارتامەنتنىڭ باستىعى ساعات ماديەۆ.

اۆتور: تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى