قازاقستانداعى جولداردىڭ بويىنا مالدى ۇركىتەتىن قۇرىلعىلار ورناتىلىپ جاتىر

سايتتاعى دەرەكتەرگە قاراعاندا، ەلدەگى تاسجولداردىڭ بويىنا جانۋارلاردى ۇركىتەتىن ۋلترادىبىستىق قۇرىلعىلار مەن «ەلەكترلى باقتاشى» قورشاۋلارى ورناتىلدى. بۇل جۇمىستار ەڭ الدىمەن، ماڭعىستاۋ وبلىسىندا باستالعان. وندا «قازاقاۆتودور» جاۋاپكەرشىلىگى شەكتەۋلى سەرىكتەستىگىنىڭ فيليالى ارنايى قورشاۋلار ورناتقان.

كەرنەۋى 12 ۆولت بولاتىن 3000 مەترلىك «ەلەكترلى باقتاشى» «دوسسور - كۇلسارى - بەينەۋ - ساي - وتەس - شەتپە - جەتىباي - اقتاۋ ت. پ. « اۆتوجولىنىڭ 723-726-شاقىرىمىنداعى ۋچاسكەسىنىڭ بويىنا قويىلعان.

«ەلىمىزدە مالدىڭ جولعا شىعىپ كەتۋىنەن بولاتىن كولىك اپاتتارى جيىلەپ كەتتى. مىسالى، تەك بيىلعى جىلدىڭ العاشقى جارتىجىلدىعىندا جانۋارلاردى باسۋ سەبەبىنەن 16 جول كولىك وقيعاسى تىركەلگەن. ناتيجەسىندە 33 ادام جاراقات الىپ، ەكەۋى مەرت بولدى. بىلتىر وسىعان سايكەس كەزەڭدە 23 جول كولىك اپاتى بولدى. وندا 29 ادام زارداپ شەگىپ، جەتەۋى كوز جۇمدى. جول كولىك وقيعالارىنىنىڭ ارتۋىنا رەسپۋبليكالىق جولداردىڭ بويىنداعى تورلى قورشاۋلاردىڭ ۇرلانۋى دا سەبەپ بولىپ وتىر. جاعداي، اسىرەسە تۇندە قيىنداي تۇسەدى. قاراڭعىدا تۇك كورىنبەي كەتەدى. ونىڭ ۇستىنە، جانۋارلارعا جارىق شاعىلىستىراتىن لەنتالار تاعىلمايدى. سول سەبەپتەن جول قىزمەتكەرلەرى مالدى جولدان ءقاۋىپسىز قاشىقتىققا قۋۋعا ءماجبۇر بولادى. بۇل ماسەلەنى «ەلەكترلى باقتاشىلار» جوباسى شەشەدى. زاماناۋي قورشاۋلار ەلىمىزدىڭ وزگە وڭىرلەرىندە دە ورناتىلاتىن بولادى»، - دەلىنگەن حابارلامادا.

اۆتور: زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى