شىعىس قازاقستاندا ەكى جىگىت تاۋدا اداسىپ كەتكەن

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سەنسەك، 3- قازان كۇنى ساعات 18.30-دا جەرگىلىكتى ج ش س- نىڭ ءبىرىنىڭ ديسپەتچەرىنەن گروموتۋحا وزەنى اۋماعىندا ەكى ەر ادامنىڭ اداسىپ كەتكەندىگى جايلى حابار تۇسكەن. بىردەن سول جاققا قۇتقارۋشىلار مەن پوليتسيا قىزمەتكەرلەرى اتتاندى.

«بۇل اۋماق قالادان 13 شاقىرىم قاشىقتىقتاعى تاۋلى- ورماندى جەر بولىپ شىقتى. 18 جاستاعى جىگىتتەر كۇزگى ورماننىڭ سۇلۋلىعىن تاماشالاۋ ءۇشىن تاۋعا شىعىپ، اداسىپ قالعان. قاس قارايىپ كەتكەندىكتەن ولاردى تابۋ قيىنعا سوقتى. الايدا بۇعان قاراماستان ىزدەستىرۋ جۇمىستارى ۇزبەي جۇرگىزىلىپ، جىگىتتەر 2 شاقىرىمداي جەردەگى گروموتۋحا وزەنىنىڭ سول جاعالاۋىنان تابىلدى»، - دەپ حابارلادى ۆەدومستۆو وكىلدەرى.

ەر ادامدار پوليتسيا قىزمەتكەرلەرىنە جەتكىزىلدى. ولار مەديتسينالىق كومەكتى قاجەت ەتكەن جوق. سوڭىنان انىقتالعانداي، ولار تاڭەرتەڭ ساعات 9-دا تابيعات اياسىندا جاياۋ سەرۋەندەۋگە شىققان. الايدا الاكەۋىم تارتقان شاقتا قايتار جولدى تابا الماي قالدى. وسى رەتتە، قۇتقارۋشىلار تاۋعا شىققان كەزدە قاۋىپسىزدىكتى باستى نازاردا ۇستاپ، وزىڭمەن بىرگە قول شامىن، العاشقى كومەك قوبديشاسىن، تاماق پەن جىلى كيىم الىپ شىعۋ كەرەكتىگىن ەسكە سالادى.

اۆتور: تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى