قوستاناي وبلىسىنىڭ جولدارىنا قايتادان بلوكپوست قويىلۋى مۇمكىن

وبلىس اكىمى ارحيمەد مۇحامبەتوۆ ايتقانداي، ايماقتاعى شەكتەۋ شارالارىنا قاراماستان كەيبىر كاسىپورىندار مەن بيزنەس نىساندارى ءتيىستى رەجيمدى ساقتاماعان. جالپى، وبلىستا رەيد بارىسىندا سانيتارلىق- ەپيدەميولوگيالىق تالاپتار 5 مىڭ رەت بۇزىلعانى بەلگىلى بولدى.

«26-قىركۇيەكتە ءجىتىقارا قالاسىندا 01.40 ساعاتتا «كۆادرو» تۇنگى كلۋبى جۇمىس ىستەگەن، وسى كۇنى ساعات 14.00 دە جانگەلدين اۋدانىنىڭ تورعاي اۋىلىندا «بەتاشار» ءراسىمى ءوتىپ، ۇيگە 50 قوناق شاقىرىلعان. 27-قىركۇيەك كۇنى قارابالىق اۋدانىنداعى «ستاتۋس- لەند» كافەسىندە 40 ادام قاتىسقان ۇيلەنۋ تويى تويلاندى. سونداي-اق، دۇكەندەر ساتىپ الۋشىلارعا قولعاپسىز جانە بەتپەردەسىز قىزمەت كورسەتكەن. نەگىزىنەن جەكە قورعانىس قۇرالدارىن پايدالانباۋ، «قىزمەتكە تىيىم سالۋ» رەجيمىندە جۇمىس ىستەۋ جانە جۇمىس ۋاقىتىن شەكتەمەۋ، كارانتين جانە لوكداۋن رەجيمى كەزىندە بۇقارالىق ءىس- شارالار وتكىزۋ جالعاسۋدا. تەكسەرۋ بويىنشا 1221 حاتتاما تولتىرىلىپ، 61,5 ميلليون تەڭگەدەن استام سوماعا 841 ايىپپۇل سالىندى»، - دەدى وبلىس باسشىسى.

ارحيمەد مۇحامبەتوۆ ەپيدەميولوگيالىق جاعدايعا بايلانىستى كارانتيندىك شارالاردى كۇشەيتۋ، ونىڭ ىشىندە سانيتارلىق جانە بلوكپوستاردى قايتادان قويۋ ماسەلەسى قاراستىرىلاتىنىن ايتتى. سونىمەن قاتار قالا مەن اۋدان اكىمدەرىنە، مەملەكەتتىك مەكەمەلەردىڭ باسشىلارىنا كارانتين رەجيمىن ساقتاۋ مونيتورينگى بويىنشا جۇمىستى جالعاستىرۋدى، سونداي-اق تۇرعىندارعا اقپاراتتىق- ءتۇسىندىرۋ جۇمىستارىن جۇرگىزۋدى تاپسىردى.

اۆتور: قاسقىرباي قويشىمانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى