ساپاربايەۆ جامبىل وبلىسىنىڭ برەندىنە اينالۋى ءتيىس وسىمدىكتىڭ ءتۇرىن ايتتى
بۇگىندە بايزاق اۋدانىنىڭ القاپتارىندا پيازدى ءجيى كەزدەستىرۋگە بولادى. دەگەنمەن، بۇل كوكونىستى ساقتاۋ ءالى كۇنگە وزەكتى كۇيىندە قالىپ وتىر، ويتكەنى ول ەرەكشە كۇتىم مەن ارنايى ساقتاۋ شارتتارىن تالاپ ەتەدى. بايزاق اۋدانىنىڭ اكىمى نۇرجان نۇرجىگىتوۆتىڭ ايتۋىنشا، اۋداندا ءارقايسىسىنىڭ سىيىمدىلىعى 20 مىڭ توننا بولاتىن ەكى قويما بار.
قازىر ولار 15 مىڭ تونناعا تولتىرىلعان. بيىل بايزاق اۋدانىنىڭ القاپتارىنان 100 مىڭ توننا پياز جيناۋ جوسپارلانىپ وتىر. بۇل كوكونىستى وسىرۋمەن شارۋا قوجالىقتارى عانا ەمەس، قاراپايىم وتباسىلار دا اينالىسادى. قىرىقبايەۆتار وتباسى بيىل 18 گەكتار جەرگە پياز ەككەن. وعان تامشىلاتىپ سۋارۋ جۇيەسى قولدانىلادى. ەگىستىك باسىنان پيازدىڭ كەلىسىن 35 تەڭگەدەن ساتىپ الۋعا بولادى.
ءونىم جيناۋ قارقىندى ءجۇرىپ جاتىر. جەرگىلىكتى تۇرعىنداردان قۇرالعان جۇمىسشىلار جيناعان ءار قابى ءۇشىن 80 تەڭگەدەن الادى. ءبىر كۇندە جۇمىسشىلار 8 مىڭ تەڭگەگە دەيىن تابىس تابادى.
وبلىس اكىمى ب. ساپاربايەۆ فەرمەرلەر وتباسىنىڭ جۇمىسىن جوعارى باعالادى.
«وسى جازدا جاقسى جۇمىس ىستەگەندەرىڭىز كورىنىپ تۇر. ءونىم جاقسى. قازىر ەڭ باستىسى - بۇل ءونىمدى كوكتەمگە دەيىن ساقتاۋ. سوندا ونىڭ قۇنى ەداۋىر ارتىپ، ءبىزدىڭ فەرمەرلەر لايىقتى اقشا تاباتىن بولادى. بىزگە وسى باعىتتا جۇمىس ىستەپ، كوكونىس قويمالارىن كوبەيتۋ كەرەك. بۇل كوكونىس ءبىزدىڭ ەلىمىزدىڭ بارلىق ايماقتارىندا وسە بەرمەيدى. سوندىقتان پياز جامبىل وبلىسىنىڭ برەندىنە اينالۋى قاجەت»، - دەپ اتاپ ءوتتى ايماق باسشىسى. اۋدانداعى «ياشار» شارۋا قوجالىعى 25 گەكتار جەردە قانت قىزىلشاسىن ءوسىرىپ وتىر.
بيىل پەستيتسيد قۇنى وسكەن، ال شيكىزاتتى قابىلداۋ باعاسى بۇرىنعى دەڭگەيدە قالعان. قازىر «مەركە قانت زاۋىتى» جشس قىزىلشانىڭ كەلىسىن 20 تەڭگەدەن قابىلداۋدا، ونىڭ 12 تەڭگەسىن مەملەكەت سۋبسيديا رەتىندە تولەيدى.
«نارىقتا مونوپوليست بولسا ولار ءوزىنىڭ ەرەجەلەرىن ايتىپ، جەڭىلدىك جاسامايدى. سوندىقتان شارۋالار ولارعا تاۋەلدى بولادى. شارۋا قوجالىقتارى قاۋىمداستىققا بىرىگىپ، وزدەرىنىڭ شاعىن قانت زاۋىتىن سالۋى كەرەك. سوندا شارۋالار وزدەرىنە ىڭعايلى جاعدايدا جۇمىس ىستەپ، ەگىستىك كولەمىن قورىقپاۋ ۇلعايتا الادى»، - دەدى وبلىس اكىمى.
سونداي-اق، «ياشار» شارۋا قوجالىعىنىڭ باسشىلىعى «مەركى قانت زاۋىتى» ج ش س شيكىزاتتى تەك كەشكى التىعا دەيىن عانا قابىلدايدى دەپ شاعىمداندى. كوپتەگەن ديقاندار ءوز ونىمدەرىن بۇل ۋاقىتقا دەيىن جەتكىزۋگە ۇلگەرمەيتىندىگىن ايتىپ، زمۋىتتىڭ قابىلداۋ ۋاقىتىن ۇزارتۋدى سۇرايدى. سونداي-اق، كاسىپورىن شيكىزاتتى تەك 1-جەلتوقسانعا دەيىن قابىلدايتىندىعىن حابارلاعان. ايماق باسشىسى شارۋالارعا بۇل جاعدايدى ءوزى باقىلاۋعا الاتىندىعىن باسا ايتتى. بۇكىل وبلىسقا تانىمال «اعالي» شارۋا قوجالىعى ءارتۇرلى اۋىلشارۋاشىلىق داقىلدارىن وسىرۋمەن عانا ەمەس، ءىرى قارا مالىن بورداقىلاۋ جانە ءسۇت ونىمدەرى مەن شۇجىق وندىرۋمەن اينالىسادى. ال جاقىندا بۇل شارۋاشىلىق قۇلپىناي وسىرە باستاعان. بيىل بۇل جيدەك بەس گەكتارعا وتىرعىزىلىپتى.
ءنابي اعاليەۆتىڭ ايتۋىنشا، شارۋاشىلىق تۇراقتى دامىپ كەلە جاتقانىن ايتىپ، وبلىس ورتالىعىندا ساۋدا نۇكتەلەرى قاجەتتىگىن جەتكىزدى. وبلىس اكىمى ب. ساپاربايەۆ شارۋانىڭ بۇل ماسەلەسىن شەشىپ بەرۋگە وبلىس اكىمدىگى كومەكتەسەتىنىن ايتىپ سەندىردى.
اۆتور: سايا سەمباي
