الماتى اۋەجايىندا سانيتارلىق- ەپيدەميولوگيالىق باقىلاۋ كۇشەيتىلدى
ق ر باس مەملەكەتتىك سانيتارلىق دارىگەرىنىڭ №54-قاۋلىسىن ىسكە اسىرۋ اياسىندا قالانىڭ باس مەملەكەتتىك سانيتار دارىگەرى جانداربەك بەكشين الماتى حالىقارالىق اۋەجايىندا قازاقستان رەسپۋبليكاسىنىڭ مەملەكەتتىك شەكاراسىندا سانيتارلىق- ەپيدەميالىق شارالاردى قاتاڭداتۋ جونىندە قاۋلى قابىلدادى.
وسىعان بايلانىستى الماتى اكىمىنىڭ ورىنباسارى ەرجان باباقۇماروۆ قالانىڭ باس مەملەكەتتىك سانيتار دارىگەرى ج. بەكشينمەن بىرلەسىپ اۋەجاي اۋماعىندا حالىقارالىق رەيستەردىڭ جولاۋشىلارىن قارسى الۋ بويىنشا قىزمەتتەردى ۇيلەستىرۋ جانە جەدەل ءوزارا ءىس- قيمىل ماسەلەلەرى بويىنشا جۇمىس كەڭەسىن وتكىزدى.
سەمينار- كەڭەسكە اۋەجاي اكىمشىلىگى، شەكارا قىزمەتى، قالا مەن اۋەجايدىڭ سانيتارلىق- ەپيدەميالىق قىزمەتتەرى باسشىلىعى، سونداي- اق اۋە ايلاعىندا سانيتارلىق- ەپيدەميالىق قاۋىپسىزدىك شارالارىن قامتاماسىز ەتۋگە تارتىلعان قالالىق قۇرىلىمداردىڭ وكىلدەرى قاتىستى.
جيىن بارىسىندا پ ت ر- تەست تاپسىرماعان جولاۋشىلاردى انىقتاۋ ءۇشىن ۇشاققا وتىرعىزۋ جانە ءتۇسۋ ساتىنەن باستاپ ۋاكىلەتتى قۇرىلىمداردىڭ ءىس- قيمىل الگوريتمى پىسىقتالىپ، نۇسقاما جۇرگىزىلدى. الماتى حالىقارالىق اۋەجايىنىڭ اۋماعىندا اۋە رەيستەرىمەن كەلەتىن جولاۋشىلارعا بايلانىسسىز تەرمومەتريا جۇرگىزىلەدى. اۋەجاي قىزمەتكەرلەرى جەكە قورعانىس قۇرالدارىمەن قامتاماسىز ەتىلگەن. سونداي-اق مىندەتتى ماسكا رەجيمى جانە الەۋمەتتىك قاشىقتىقتى ساقتاۋ تالابى ساقتالادى. الماتى اكىمدىگىنىڭ تاپسىرماسى بويىنشا اۋەجاي عيماراتىندا ۇشىپ شىعاتىن جولاۋشىلار ءۇشىن پ ت ر- دياگنوستيكاعا ليتسەنزيالانعان سىناما الۋ پۋنكتى اشىلدى.
دەنە قىزۋى جوعارى نەمەسە اۋرۋ بەلگىلەرى (جوتەل، ەنتىگۋ، تىنىس الۋدىڭ قيىنداۋى) بار ادامدار الماتى قالاسى اۋەجايىنىڭ وقشاۋلاۋ ورنىنا ورنالاستىرىلادى نەمەسە اۋە كەمەسىنىڭ بورتىنان جەدەل جاردەم كولىگىمەن ديففەرەنتسيالدى دياگنوستيكا مەن ەمدەۋ جۇرگىزۋ ءۇشىن قالانىڭ ينفەكتسيالىق ستاتسيونارلارىنا تاسىمالداناتىن بولادى. سونداي-اق، جۇمىس توبى قالاعا پ ت ر- تەستىلەۋسىز كەلەتىن جولاۋشىلاردى ۋاقىتشا ۇستاۋعا ارنالعان قوناق ۇيلەردىڭ دايىندىعىن تەكسەردى.
مۇندا پ ت ر- تەستەن وتپەگەن ادامداردىڭ ۋاقىتشا بولۋى، وقشاۋلاۋدى قامتاماسىز ەتۋ جانە سانيتارلىق- ەپيدەميالىق قاۋىپسىزدىكتىڭ وزگە دە تالاپتارىن ساقتاۋ ءۇشىن قاجەتتى جاعدايلار جاسالعان.
ق ر باس مەملەكەتتىك دارىگەرىنىڭ قاۋلىسىنا سايكەس، قازاقستان رەسپۋبليكاسىنىڭ مەملەكەتتىك شەكاراسىنان ءوتۋ كەزىندە وزگە ەلدىڭ ازاماتتارى قولدارىندا COVID-19-عا الىنعان تەستتىڭ ناتيجەسى 72 ساعاتتان اسپاعانىن كورسەتەتىن انىقتاما بولماعان جاعدايدا، قالاعا كىرۋلەرىنە جول بەرىلمەيدى. شەتەلدەن انىقتاماسىز كەلگەن ق ر ازاماتتارى اۋەجاي اۋماعىنان پ ت ر- تەستىلەۋدى وتكىزۋ ءۇشىن جانە ناتيجەلەردى كۇتۋ كەزەڭىندە ۋاقىتشا مەگاپوليستىڭ قوناق ۇيلەرىنە ورنالاستىرىلادى.
ءوز كەزەگىندە، بۇعان دەيىن ق ر ينفراقۇرىلىم جانە يندۋستريالىق دامۋ مينيسترلىگىنىڭ ازاماتتىق اۆياتسيا كوميتەتى اۋە كومپانيالارىنا پ ت ر- تەستىلەۋدەن وتكەنى تۋرالى انىقتاما بولماعان جاعدايدا قازاقستان رەسپۋبليكاسىنىڭ ازاماتتارى بولىپ تابىلمايتىن جولاۋشىلاردى بورتقا جىبەرمەۋدى تاپسىرعان. الماتى قالاسىنىڭ اكىمدىگى قالا تۇرعىندارى مەن قوناقتارىنان وسى تالاپتاردى ساقتاۋدى جانە مەگاپوليس اۋماعىنا كەلگەنگە دەيىن پ ت ر- تەستىلەۋدەن ءوتۋدى سۇرايدى.
اۆتور: الما مۇقانوۆا
