ساتبايەۆتا قار جاۋدى

قالادا جىلۋ بۇگىن بەرىلەدى، دەپ حابارلايدى قازاقپارات.

بۇگىن 5-قازان، تاڭعى ساعات 8:30-دار شاماسىندا باستالعان قاردىڭ ارتى بۇرقاسىنعا اينالعان. تابيعاتتىڭ توسىن سىيىنىڭ ارقاسىندا جەر اق مامىققا وراندى. ءدال قازىرگى ۋاقىتتا قالادا اۋا رايى +3 گرادۋستى كورسەتىپ تۇر. بيىلعى جىلى كەنشىلەر قالاسىنا قار جىلداعىدان الدەقايدا ەرتە جاۋدى. مامانداردىڭ ايتۋىنشا، جىلدا قالادا جىلىتۋ ماۋسىمى قازاننىڭ ونىندا باستالاتىن، الايدا بيىل كۇننىڭ ەرتەرەك سۋىتۋىنا بايلانىستى بۇگىن تۇرعىن ۇيلەرگە جىلۋ جىبەرۋ قاراستىرىلىپ جاتىر.

«قۇرمەتتى قالا تۇرعىندارى، جىلۋ قازاندىعى ىسكە قوسىلدى. بۇگىن جىلۋ بەرىلەدى»، - دەلىنگەن جەرگىلىكتى كوممۋنالدىق قىزمەتكە جاۋاپتى ورگاننىڭ تاراتقان حابارلاماسىندا.

اۆتورى: ەركەناز شوقان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى