تۇركىستان وبلىسىندا پوليتسيا ءوز بالالارىن ۇرىپ- سوققان ەر ادامدى ۇستادى

ەستەرىڭىزگە سالا كەتسەك، پوليتسەيلەر 4-قازان كۇنى الەۋمەتتىك جەلىلەرگە مونيتورينگ جۇرگىزۋ كەزىندە ەر ادامنىڭ كامەلەتكە تولماعان بالانى ۇرىپ- سوعىپ جاتقان بەينەجازبانى انىقتادى. اتالعان جايت سوتقا دەيىنگى تەرگەۋ تىزىلىمىنە ق ر ق ك 110-بابى 2-بولىگى «ازاپتاۋ» بويىنشا تىركەلدى.

سول كۇنى كۇدىكتىنىڭ ايەلى جۇبايىنىڭ ءوز بالالارىن ۇرىپ- سوققانى تۋرالى پوليتسياعى ارىزدانعان. پوليتسەيلەر جەرگىلىكتى جۇمىسسىز تۇرعىندى تەز ارادا ۇستادى. ەرلى- زايىپتىلاردىڭ 2011 -جىلدان بەرى نەكەدە تۇرعانى انىقتالدى. ەكەۋىنىڭ ورتاق ءۇش بالاسى بار. بۇعان دەيىن ايەل 2018 -جىلى پوليتسياعا كۇيەۋىنىڭ ۇرىپ- سوعۋى تۋرالى اۋىزشا ايتقان، ءبىراق ءوتىنىش بەرۋدەن باس تارتقان. 2019 -جىلدىڭ ساۋىرىندە ول تاعى دا پوليتسياعا دەنە جاراقاتىن سالۋ دەرەگى بويىنشا جۇگىنگەن. الايدا، اكىمشىلىك ءوندىرىس ايەل كۇيەۋىن كەشىرگەندىكتەن مەدياتسيا ارقىلى توقتاتىلدى. سودان كەيىن جۇبايى قايتادان جاۋاپكەرشىلىكتەن قۇتىلدى.

«قازىرگى ۋاقىتتا اتالعان جايت بويىنشا سوتقا دەيىنگى تەرگەۋ امالدارى جۇرگىزىلۋدە. ساراپتاما تاعايىندالدى. ەر ادام قاماۋعا الىندى. تەرگەۋ وقيعانىڭ بارلىق ءمان- جايىن انىقتاۋدا»، - دەلىنگەن حابارلامادا.

اۆتور: زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى