ەلوردادا الاياقتىقتىڭ جاڭا ءتۇرى پايدا بولدى - پوليتسيا كۇدىكتىنى ۇستادى

«ينتەرنەتتەگى الاياقتار كوپتەگەن حابارلاندىرۋلاردى وقيدى. ءوز قۇربانىن تاڭداپ الىپ، ونىمەن ساتىپ الۋشى سەكىلدى سويلەسەدى جانە تاۋارىن الۋعا وتىرىك كەلىسەدى. اقشا اۋدارۋ ءۇشىن الاياقتار سىلتەمە جىبەرىپ، باتىرمانى باسۋدى سۇرايدى. ءبىر قاراعاندا سىلتەمە ەش كۇدىك تۋدىرمايدى، ءبىراق ونى باسقاندا پايدالانۋشى فيشينگتىك سايتقا وتەدى. بۇل سايتتا بانك كارتاسى، CVV- كودى مەن ج س ن كورسەتەتىن ساۋالنامانى تولتىرۋ مەن اقشا اۋدارىمىن كۇتۋ ۇسىنىلادى. الايدا، رەكۆيزيتتەر تولتىرىلعان سوڭ، بانك كارتالارىنان رۇقساتسىز اقشا الىنادى. اتالعان رەكۆيزيتتەر ارقىلى ەسەپشوتتاعى بارلىق قاراجاتتى يەمدەنىپ الادى. ونىڭ ۇستىنە سايت بىرنەشە سەكۋندتا بۇعاتتالىپ، ءىزىم- عايىم جوعالادى»، - دەپ حابارلادى ەلوردالىق دەپارتامەنت.

اتالعان فاكت بويىنشا ق ر قىلمىستىق كودەكسىنىڭ 190-بابى بويىنشا قىلمىستىق ءىس قوزعالعان. سوڭعى ءبىر ايدا ءدال وسىنداي فاكتىلەرمەن پوليتسياعا 15 ارىز تۇسكەن.

«بۇل الاياقتىق سحەماسىن جۇرگىزدى دەگەن كۇدىكپەن 23 جاستاعى ەر ادام ۇستالدى. وعان قاتىستى قىلمىستىق ءىس قوزعالدى جانە سوتقا دەيىنگى تەرگەۋ ءجۇرىپ جاتىر. نۇر- سۇلتان قالاسىنىڭ پوليتسيا دەپارتامەنتى ازاماتتاردى مۇقيات/ بولۋعا جانە تەكسەرىلگەن ينتەرنەت- رەسۋرستارعا عانا سەنۋگە، رەسمي ينتەرنەت- سايتتارداعى نەمەسە كولل- ورتالىقتار ارقىلى جاڭا قىزمەتتەردىڭ دۇرىستىعىن تەكسەرۋگە شاقىرادى. سونداي- اق بانك كارتالارى دەرەكتەرىن جانە CVV- كودتى بوگدە ادامدارعا بەرمەۋ كەرەك. مۇنداي جاعدايدا دەرەۋ بانككە حابارلاسىپ، بانك وپەراتسيالارى مەن كارتالارىن بۇعاتتاپ، پوليتسياعا حابارلاۋ كەرەك»، - دەيدى پوليتسەيلەر.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى