ۇزاق جىلدار بويى بەلسەندى بولۋ جونىندەگى بىرنەشە قاراپايىم كەڭەس - ماماندار

ۇلتتىق ورتالىق ماماندارى 1-قازان - حالىقارالىق قارتتار كۇنىمەن قۇتتىقتاي وتىرىپ ەگدە جاستاعى ادامدارعا قاجەتتى قاراپايىم قاعيدالاردى ەسكە سالا كەتتى.

دەنەنى شىنىقتىرىپ، بەلسەندى بولۋ

تازا اۋادا كوبىرەك قىدىرىڭىز. دەنە شىنىقتىرۋ جاتتىعۋى اعزاعا جاقسى اسەر ەتەدى، قارتايۋ جىلدامدىعىن ايتارلىقتاي باياۋلاتۋعا ىقپال ەتەدى، كۇيزەلىس جاعدايىن جەڭۋگە كومەكتەسەدى. جايمەن ءجۇرۋدىڭ ءوزى ادامدى شارشاتا قويمايدى، زات الماسۋدى، قان اينالىمىن، تىنىس الۋدى جاقسارتادى، بۇلشىق ەتتەردى جاتتىقتىرادى. ءجۇرۋ كەزىندە جۇيكە جۇيەسى دەمالىپ، ادام سەرگىپ قالادى.

دۇرىس تاماقتانۋ

50-60 جاستان كەيىن اعزادا فيزيولوگيالىق وزگەرىستەر بولادى - زات الماسۋ باياۋلايدى، ىشەكتىڭ جيىرىلۋى السىرەيدى، فەرمەنتتەردىڭ بەلسەندىلىگى تومەندەيدى. ەڭ باستىسى، تاماقتى از ءىشۋ كەرەك، ءبىراق ءنارلى زاتتار كوبىرەك بولۋى قاجەت. ەتتى جەي بەرمەي، بالىق، ءسۇت، اسىرەسە قىشقىل ءسۇت ونىمدەرىن (ايران، يوگۋرت) كوبىرەك پايدالانۋ كەرەك. كۇنىنە 300-400 مل ءسۇت جانە تۇنگە قاراي 200 م ل ايران ءىشۋدى ۇسىنامىز.

تىنىش ۇيقى

دۇرىستاپ، قاتتى ۇيىقتاۋ ءۇشىن دۇرىس كۇن ءتارتىبى قاجەت: ءبىر ۋاقىتتا ۇيىقتاۋ، كەشكى استى ۇيقىعا دەيىن 2-3 ساعاتتان كەشىكتىرمەي جەۋ، كوپ جەمەۋ كەرەك. ۇيىقتار الدىندا تازا اۋادا قىدىرعان دۇرىس. ۇيىقتار الدىندا وتە اسەرلى تەلەديدار حابارىن كورۋگە، اعزانى سەرگىتەتىن سۋسىنداردى - قويۋ شاي، كوفە ىشۋگە بولمايدى.

جاعىمدى ەموتسيا كوبىرەك بولسىن

جاعىمسىز ەموتسيالار: رەنىش، ۇرەي، سارى ۋايىمعا سالىنۋ، اشۋ- ىزا، قايعىرۋ، قىزعانىش، جەك كورۋ قاۋىپ- قاتەر فاكتورلارى بولىپ سانالادى، تەزىرەك قارتايتىپ، ءومىردى قىسقارتادى. جاعىمدى ەموتسيالار كەرىسىنشە - راحاتتانۋ، قۋانۋ - اعزانىڭ قۋات الۋىنا كومەكتەسەدى. كۇلكى - بۇل قۋانۋدىڭ، سەرگەك كوڭىل- كۇيدىڭ جانە رۋحاني دەنساۋلىقتىڭ بەلگىسى. ول وكپەنىڭ قالىپتى جۇمىس ىستەۋىنە جاقسى ىقپال ەتەدى، زات الماسۋدى رەتتەيدى.

پروفيلاكتيكالىق تەكسەرۋدەن، سكرينينگتەن ۋاقىتىلى ءوتۋ

سكرينگ تەكسەرۋ ارتەريالىق گيپەرتونيانى، جۇرەكتىڭ يشەميالىق اۋرۋىن، قانت ديابەتىن، گلاۋكومانى، ونكولوگيالىق اۋرۋلاردى ۋاقىتىلى انىقتاۋعا مۇمكىندىك بەرەدى. ءسىز سكرينينگ تۋرالى اقپاراتتى ەمحاناداعى دارىگەرىڭىزدەن بىلە الاسىز.

بۇل قاعيدالاردى ساقتاۋ سىزدەرگە بەلسەندى بولۋعا، دەنساۋلىعىڭىزدىڭ مىقتى بولۋىنا جانە ۇزاق جىلدار بويى دەنىڭىزدىڭ ساۋ بولۋىنا كومەكتەسەدى!

اۆتور: بالنۇر قوجاگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى