قازاقستاندا قانشا شەتەلدىك ازامات جۇمىس ىستەپ جۇرگەنى ءمالىم بولدى

مينيسترلىكتىڭ باسپا ءسوز قىزمەتىنىڭ حابارلاۋىنشا، 2020 -جىلدىڭ 1-قىركۇيەگىندەگى جاعداي بويىنشا قازاقستاندا شەتەلدىك جۇمىس كۇشىن تارتۋعا 16 مىڭ 378 رۇقسات بار. شەتەلدەن تارتىلعان جۇمىس كۇشىن تارتۋ رۇقساتى 637 سى ءبىرىنشى ساناتقا (باسشىلار مەن ولاردىڭ ورىنباسارلارى)، 3481 ى ەكىنشى ساناتقا (قۇرىلىمدىق بولىمشەلەردىڭ باسشىلارى) بەرىلگەن. شەتەلدەن مامان تارتۋعا ارنالعان رۇقساتتاردىڭ باسىم بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا قاتىستى بولىپ وتىر - تيىسىنشە 7617 ادام جانە 1153 ادام. سونداي-اق، ماۋسىمدىق جۇمىستارعا – 1792، كورپوراتيۆىشىلىك اۋىستىرۋ شەڭبەرىندە 1698 ادام تارتىلعان.

قازىرگى ۋاقىتتا قازاقستاندا شەت ەلدەن جۇمىس كۇشىن تارتاتىن 1803 جۇمىس بەرۋشى بار. ولاردا 454379 مىڭعا جۋىق قازاقستان ازاماتى جۇمىس ىستەيدى، بۇل جالپى جۇمىسشىلار

سانىنىڭ %96 ىن قۇرايدى.

ەڭبەك ميگرانتتارىنىڭ نەگىزگى شىققان ەلدەرى: قىتاي - 3579 ادام، وزبەكستان – 1774، تۇركيا – 1661، ءۇندىستان - 1266 جانە ۇلى بريتانيا - 1081.

ايتا كەتسەك، ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا كۆوتا بەلگىلەيدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى