رەسەي پرەزيدەنتى ۆلاديمير پۋتين نوبەل سىيلىعىنا ۇسىنىلدى
نۇر -سۇلتان. قازاقپارات - رەسەي پرەزيدەنتى ۆلاديمير پۋتين نوبەل سىيلىعىنا ۇسىنىلدى، - دەپ حابارلايدى ريا نوۆوستي.
«رەسەيلىك جازۋشى سەرگەي كومكوۆ 2021 -جىلى 10-قىركۇيەكتە وسلودا پۋتيننىڭ نوبەل سىيلىعىنا ۇمىتكەر بولۋىنا ءوتىنىش جىبەرگەنىن حابارلادى»، - دەلىنگەن سايتتا.
رەسەي فەدەراتسياسى پرەزيدەنتىنىڭ باسپا ءسوز حاتشىسى دميتري پەسكوۆ جازۋشىنىڭ باستاماسىنا پىكىر ءبىلدىردى.
«سىزدەر بۇل سىيلىققا ءتۇرلى ادامدار ۇسىنىلاتىنىن بىلەسىزدەر. بۇل وسىنداي ۇسىنىس جاساعانداردىڭ باستاماسى. بۇل جاعدايدا وسى جازۋشى. نومينانتتاردى قاراۋدىڭ بەلگىلى ءبىر ءراسىمى بار. شەشىم قابىلدانسا - جاقسى، قابىلدانباسا - ەشتەڭە ەتپەيدى. مۇندا باسقا نارسە ايتۋ قيىن»، - دەدى پەسكوۆ.
نوبەل سىيلىعى - جىل سايىن كورنەكتى عىلىمي زەرتتەۋلەر، رەۆوليۋتسيالىق ونەرتابىستار نەمەسە مادەنيەتكە، قوعامنىڭ دامۋىنا قوسقان ۇلەسى ءۇشىن بەرىلەتىن ەڭ بەدەلدى حالىقارالىق سىيلىقتاردىڭ ءبىرى.
