ترامپ: بيلىكتەن وڭايلىقپەن كەتە سالمايمىن
بۇقارالىق اقپارات قۇرالدارى وكىلدەرى اق ءۇي باسشىسىمەن كەزدەسۋى كەزىندە ءتىلشىنىڭ ءبىرى كەزەك الىپ، «ەگەر سايلاۋدا ۇتىلساڭىز بيلىكتەن ءوز ەركىڭىزبەن كەتە بەرەسىز بە» دەگەن سۇراعىنا پرەزيدەنت ترامپ «الدا نە بولارىن قايدان بىلەيىن، ۋاقىتىندا كورە جاتارمىز» دەپ جاۋاپ قايتاردى. جانە پوشتا ارقىلى داۋىس بەرۋدىڭ كەمشىلىگىنە توقتالدى.
دونالد ترامپ، ا ق ش پرەزيدەنتى:
- مەن بۇعان دەيىن دە پوشتامەن داۋىس بەرۋ ۇلكەن قاتەلىك ەكەنىن ايتقانمىن. ودان باس تارتىڭىزدار، سوندا ءبارى دۇرىس بولادى. ال ەندى جايباراقات كەتە سالۋ دەيسىز بە، ول وڭاي ەمەس. ءوز باسىم مەملەكەت تىزگىنىن الداعى ۋاقىتتا دا ۇستايتىنىما كوبىرەك سەنەمىن.
ءتىلشى توسىننان سۇراق قويعان جوق. ءسال بۇرىن دونالد ترامپ ەگەر قاراشانىڭ 3- كۇنگى سايلاۋدا جەڭىلىپ قالسا، ونىڭ قورىتىندىسىن مويىندامايتىنىن ايتقان بولاتىن. قارسىلاسىنىڭ سول مالىمدەمەسىنەن كەيىن دجو بايدەن وندا اسكەريلەر ترامپتى اق ۇيدەن كۇشتەپ شىعارادى دەگەن ەدى.
www.24.kz
