«جىگىتتەر» توبىنىڭ ءانشىسى دارەجان ومىربايەۆتىڭ جاڭا فيلمىنە تۇسكەلى جاتىر
رەجيسسەر دارەجان ومىربايەۆ ءوزىنىڭ «اقىن» كينوكارتيناسىنىڭ ءتۇسىرىلىم جۇمىستارىنا كىرىستى. تۋىندى شىعارماشىل جانداردىڭ ءومىرى مەن پروبلەمالارى جايلى باياندايدى.
«باستى رولگە ۇمىتكەر - «جىگىتتەر» كۆارتەتىنىڭ مۇشەسى ەردوس قانايەۆ. بۇيىرتسا، ءانشىنىڭ تىڭدارماندارى ونى جاڭا قىرىنان كورۋى مۇمكىن» دەپ حابارلادى شاكەن ايمانوۆ اتىنداعى «قازاقفيلم» كينوستۋدياسى.
جالپى، دارەجان ومىربايەۆ كاسىبي ەمەس اكتەرلەرمەن جۇمىس ىستەگەندى جاقسى كورەدى. ەسكە سالا كەتەيىك، ءبىز بۇعان دەيىن «اقىن» اتتى تولىقمەتراجدى كوركەم فيلم تۇسىرىلگەلى جاتقانىن جازعان بولاتىنبىز. گەرمان تەسستىڭ «شىعارماشىلىق كەش» اتتى اڭگىمەسىنىڭ جەلىسى بويىنشا تۇسىرىلەتىن تۋىندى الماتىدا تۇراتىن 40 جاستاعى قازاق اقىنىنىڭ ومىرىنەن سىر شەرتەدى.
