جانىبەك ءالىمحان ۇلى ۇزدىكتەر تىزىمىندەگى جەڭىلمەگەن بوكسشىمەن جەكپە-جەككە شىعادى
ورتا سالماقتا جۇدىرىقتاساتىن قازاقستاندىق كاسىپقوي بوكسشى جانىبەك ءالىمحان ۇلى (8-0، 4 ك و) كەلەسى جەكپە-جەگىن Top Rank 9 قازان لاس-ۆەگاستاعى The Bubble ارەناسىندا وتكىزەتىن بوكس كەشىندە جۇدىرىقتاسادى. قارسىلاس ازىرگە بەلگىسىز، دەگەنمەن، قازاقستاندىق بوكسشىنىڭ كومانداسى ول تۋرالى ازداعان مالىمەت بەردى، - دەپ حابارلايدى Vesti.kz.
«ءبىزدىڭ كوماندا ءوز جانكۇيەرلەرىنە وتە اشىق ءارى تىعىز بايلانىستا ەكەنىن بىلەسىزدەر. جاتتىعۋدان از-كەم اقپارات. سولاقاي سپاررينگ قارسىلاس. 21 راۋند سپاررينگ جاساپ، جەكپە-جەككە شىڭدالىپ الدىق. قيسىق، ىڭعايسىز بوكسشى. ۇلكەن تاجىريبە بولدى. بۇيىرتسا سالماعى ازداۋ جىلدام بوكسشىمەن 16 راۋند سپاررينگ كۇتىپ تۇر. ارى قاراي تاعى سپاررينگ. ايتپاقشى 9- قازانداعى قارسىلاسىمىز سولاقاي. جەڭىلمەگەن. توپ 15 دەپ جاتىر. رەسمي بەكىتىلگەن سوڭ اتى-ءجونىن جاريالايمىز. قۇداي قالاسا، جاقسى جەكپە-جەك بولادى. @janibek_alimkhanuly باتىرلارىڭىز شالدىڭ ءوزى قايراعان وراقتاي شىڭدالىپ تۇر. الەمگە QAZAQ STYLE- دى كورسەتۋگە دايىن!
قۇرمەتپەن، team QAZAQ STYLE!»، - دەلىنگەن كوماندانىڭ Instagram جەلىسىندەگى حابارلاماسىندا.
جانىبەك ءالىمحان ۇلى بىلتىر قاراشادا كانادالىق البەرت ونولۋنوسەنى (24-3-1, 8 كو) التىنشى راۋندتا نوكاۋتقا تۇسىرگەلى بەرى رينگكە شىقپادى. بوكسشىنىڭ جوسپارىلارىنا پاندەميا بوگەت ەتتى. جاقىندا ءالىمحان ۇلى چەمپيوندىق تيتۋل ءۇشىن جوعارى سالماققا وتۋگە دايىن ەكەنىن مالىمدەگەن.
