قوستانايدا ءىرى ماشينا جاساۋ كلاستەرىن قالىپتاستىرۋ جوباسى ىسكە قوسىلادى
بيىل وڭىرلەردە 995 ميلليارد تەڭگەنىڭ 206 جوباسى ىسكە قوسىلادى بۇل تۋرالى بۇگىن ۇكىمەت وتىرىسىندا يندۋستريالاندىرۋ كارتاسى ماسەلەلەرى بويىنشا بايانداعان ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى، دەپ حابارلايدى قازاقپارات ءتىلشىسى.
«قوستاناي وبلىسىندا ءىرى ماشينا جاساۋ كلاستەرىن قالىپتاستىرۋ بويىنشا اۋقىمدى جوبا ىسكە قوسىلادى. وندا اۋىل شارۋاشىلىعى تەحنيكاسى مەن اۆتوموبيلدەرگە ارنالعان كومپونەنتتەر شىعارىلادى. اۋدانى 38 مىڭ شارشى مەتر بولاتىن وندىرىستىك كەشەن بيىل جەلتوقسان ايىندا ىسكە قوسىلىپ، كەلەسى كوكتەمدە جوبالىق قۋاتىنا شىعادى»، - دەدى مينيستر.
ونىڭ ايتۋىنشا، بيزنەس- ينكۋباتور ەلدە اۋىل شارۋاشىلىعى تەحنيكاسى مەن اۆتوموبيل وندىرۋشىلەرى ءۇشىن قاجەتتى 2 مىڭنان استام بولشەك مەن توراپتاردى شىعارۋ ارقىلى وتاندىق ءوندىرىس ۇلەسىنىڭ وسۋىنە ىقپال ەتەدى. ءارى جاڭا قۇزىرەتتەردى ۇلعايتۋعا اسەرى بولادى.
«قوستاناي قالاسىنىڭ ونەركاسىپ ايماعىندا «كاماز» قوزعالتقىشتارىنىڭ قۇرامداس بولشەكتەرىن قۇيۋ ءوندىرىسى جولعا قويىلادى. قازىرگى ۋاقىتتا ءتيىستى ينۆەستيتسيالىق كەلىسىمگە قول قويۋعا دايىندالىپ، قىركۇيەك ايىندا قۇرىلىستى باستاۋ جوسپارلانىپ وتىر»، - دەدى ول.
ءمينيستردىڭ دەرەگىنشە، وندىرىلەتىن ءونىمنىڭ 95 پايىزى ەكسپورتقا باعدارلانعان.
«ناتيجەسىندە رەسەيدى، ت م د- نى، سونداي- اق Daimler AG نەمىس كونتسەرنىن قامتيتىن جاھاندىق قۇن جاساۋ تىزبەگىنە كىرەتىن بولادى. وسىلايشا، ءوڭىر اگرارلىق باعىتتان دامۋدىڭ يندۋستريالىق- يننوۆاتسيالىق كەزەڭىنە وتەدى»، - دەدى بەيبىت اتامقۇلوۆ.
