ەلىمىزدە كونسەرۆىلەنگەن بالىق پەن ۋىلدىرىق ءوندىرىسى بىردەن ءۇش ەسە ارتتى
بۇل تۋرالى قازاقپارات energyprom.kz سايتىنا سىلتەمە جاساپ حابارلايدى.
بالىقتىڭ ۇشتەن ەكى بولىگىنە جۋىعى (64,2%) اتىراۋ وبلىسىندا شىعارىلادى: 10 مىڭ توننا، بۇل وتكەن جىلدىڭ وسىنداي كەزەڭىمەن سالىستىرعاندا بىردەن 40,6 ەسە كوپ.
كوشباسشىلىق ەتكەن ايماقتار «ۇشتىگىنە» سونداي-اق باتىس قازاقستان وبلىسى (2 مىڭ توننا، پليۋس 11,7 پايىز) جانە تۇركىستان وبلىسى (1,8 مىڭ توننا، پليۋس 57,1 پايىز) كىرىپ وتىر.
بالىق، شايانتارىزدىلەر جانە ۇلۋلاردى قايتا وڭدەۋ جانە كونسەرۆىلەۋ اقشاعا شاققاندا 13,6 ميلليارد تەڭگەنى قۇراعان.
ەسكە سالا كەتسەك، مەملەكەت باسشىسى بالىق سالاسىنىڭ مۇقيات باقىلاۋدى تالاپ ەتىپ وتىرعانىن اتاپ وتكەن.
1- قاراشاعا دەيىن اكىمدىكتەرمەن بىرلەسىپ بالىق شارۋاشىلىعىن دامىتۋ باعدارلامالارى ازىرلەنىپ، ايماقتىق ينديكاتورلار شىعارىلادى.
ءبىرىنشى جارتىجىلدىقتىڭ قورىتىندىلارى بويىنشا، قازاقستاندىق كومپانيالار قايتا وڭدەلگەن جانە كونسەرۆىلەنگەن بالىق، شايانتارىزدىلەر مەن ۇلۋلارعا دەگەن سۇرانىستى 62,6 پايىزعا قمتاماسىز ەتتى (بىلتىرعى كورسەتكىش - 40 پايىز).
بۇل كەزەڭدە ءوندىرىس وتكەن جىلمەن سالىستىرعاندا ءۇش ەسەدەي، 42 مىڭ تونناعا دەيىن وسكەن. يمپورت كولەمى - 37,4 پايىز، ال ەكسپورت كولەمى - 16,8 پايىز بولدى.
