ا ق ش- تاعى ءورت: ورەگون شتاتىندا ونداعان ادام حابارسىز كەتتى
شتات گۋبەرناتور كەيت براۋننىڭ ايتۋىنشا، ورەگونداعى ورمان ورتىنە بايلانىستى ونداعان مىڭ ادام قونىس اۋدارۋعا ءماجبۇر بولعان. سونداي- اق ءورت سالدارىنان ونداعان ادام حابار- وشارسىز كەتكەن. ول ءۇي يەلەرىنەن توناۋ تۋرالى حابارلارعا قاراماستان ءورت وشاقتارىنان اۋلاق بولۋلارىن ءوتىندى. ورەگونانىڭ توتەنشە جاعدايلار جونىندەگى ديرەكتورى ەندريۋ فەلپس توتەنشە جاعدايعا دايىن ەكەندىكتەرىن جەتكىزدى. ورەگون شتاتىنداعى ورتتەن كەمىندە وننان اسا ادام كوز جۇمدى. قازىرگى كەزدە ا ق ش- تىڭ 12 شتاتىندا جۇزدەگەن ورمان ءورتى بولدى. ەسكە سالساق، بۇعان دەيىن ا ق ش- تىڭ باتىسىنداعى ورمانداردا 100 گە جۋىق ءورت بولىپ، كەم دەگەندە جەتى ادام قازا تاپتى، مىڭداعان ادام كوشىرىلدى، قالالار قيرادى.
