قازاقستاندىق ۆاكسينانى سالدىراتىن ەرىكتىلەرگە اقى تولەنە مە
«ەكپە سالدىراتىن ەرىكتىلەرگە ەشقانداي اقى نەمەسە باسقا دا ماتەريالدىق سىيلىقتار بەرىلمەيدى. تەك قانا مەملەكەت تاراپىنان ولاردىڭ ءومىرى مەن دەنساۋلىعى ساقتاندىرىلادى. ەگەر ەكپە سالعان ەرىكتى اۋىرىپ قالسا نەمەسە دەنساۋلىعىنا باسقا دا زيان ءتيىپ جاتسا، ساقتاندىرۋ ارقىلى مەديتسينالىق كومەك الا الادى. ەرىكتىلەر ءتىزىمىن بەكىتۋ جونىندەگى سۇراقتى ءبىلىم جانە عىلىم مينيسترلىگىنىڭ كوميتەتىنە جولداۋ كەرەك. ال جالپى نەعۇرلىم كوپ ادام كلينيكالىق تەكسەرۋدەن وتسە، سوعۇرلىم ۆاكسينانىڭ ساپاسى ەرتەرەك بەلگىلى بولادى»، - دەپ جاۋاپ بەردى رەسمي وكىل ورتالىق كوممۋنيكاتسيالار قىزمەتىندە ءتىلشى سۇراعىنا.
ايتا كەتەيىك، كوروناۆيرۋس ينفەكسياسىنا قارسى «QazCovid-in» قازاقستاندىق ۆاكسيناسىنىڭ كلينيكالىق سىناعىنا قاتىسۋعا 627 ادام ءوتىنىم بەرگەن.
اۆتور: ايجان سەرىكجان قىزى
