ماقپال جۇماباي: سۋپەرقاھارماندارسىز بالالاردىڭ بەتىن قازاققا قاراتۋ قيىن

«وسىدان 10 جىل بۇرىن «Balapan» تەلەارناسى اشىلعان بولاتىن. مەن جالپى، «Balapan» تەلەارناسى - تاۋەلسىزدىكتىڭ ەڭ ۇلكەن سىيى دەپ ەسەپتەيمىن. قازاقشا سويلەپ، قازاقشا ويلايتىن قازاقتىڭ ساپالى جاڭا بۋىنى قالىپتاستى. «Balapan» تەلەارناسى اشىلعالى بەرى 67 انيماتسيالىق جوبا شىقتى»، - دەدى ماقپال جۇماباي «وتباسى كۇنى» اياسىندا ۇلتتىق تاربيە بەرۋ مەن وتباسى قۇندىلىقتارىن دامىتۋ ماسەلەلەرى تالقىلانعان دوڭگەلەك ۇستەل وتىرىسىندا.

تەلەارنا باسشىسى انيماتسيا سالاسىنا جەكە توقتالدى. ونىڭ ايتۋىنشا، بالانىڭ زەيىنىنە، ساناسىنا توتە جەتۋدىڭ جولى - انيماتسيا. ««بالاپان» تەلەارناسى اشىلعالى بەرى كولەمى 18 مىڭ مينۋتقا جەتەرلىك 67 انيماتسيالىق جوبا جاريالاندى. بۇل جۇمىستار جالعاسا بەرەدى. مىسالى قوعامدا ءارتۇرلى باستاما بار. لاتىن قارپىندەگى قازاق ءالىپبيى دەپ جاتىرمىز. بيىل «بالاپان» تەلەارناسىندا سونى ۇيرەتەتىن جوبا جارىققا شىققالى وتىر. ۇلتتىق سۋپەرقاھارماندار دەيمىز، سۋپەرقاھارمانداردى جاساماي، بالالاردىڭ بەتىن قازاققا قاراتۋ وتە قيىن. «بالاپان» ارناسى بۇل جۇمىستى جۇيەلى تۇردە جۇزەگە اسىرىپ كەلە جاتىر. بالالارىڭىز بەن نەمەرەلەرىڭىزدەن سۇراپ كورىڭىز - ولار قازىر ايدار بولىپ، ەرتەمىر بولىپ وينايدى»، - دەدى ول.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى