جەدەل جاردەم قىزمەتتەرىنە قازاقستاندا شىعارىلعان اۆتوكولىكتەر بەرىلەدى

«كوروناۆيرۋستىڭ جاڭا تولقىنىنا دايىندىق قىزۋ ءجۇرىپ جاتىر. قازاقستانداعى مەديتسينالىق مەكەمەلەر ءبىر مەزەتتە 70 مىڭ توسەك- ورىن دايىنداۋعا قاۋقارلى. ونىڭ ىشىندە ءۇش مىڭعا تارتا جانساقتاۋ ءبولىمى بولادى. قازىرگى ۋاقىتتا ەلىمىزدە 19066 ينفەكسيالىق توسەك- ورىن بار، ونىڭ قازىرگى جۇتەمەسى 15 پايىزدى قۇراپ وتىر. ينفەكتسيالىق جانە پروۆيزورلىق ورتالىقتاردا وكپەنى جاساندى جەلدەتۋگە ارنالعان 3379 اپپارات بار، قوسىمشا 2619 دانا ساتىپ الىنۋدا»، - دەدى ب. قوجاحمەتوۆ بۇگىن ورتالىق كوممۋنيكاتسيالار قىزمەتىندە وتكەن بريفينگتە.

قازىرگى ۋاقىتتا قازاقستان بويىنشا ەمدەۋگە ارنالعان 21566 ورىن وتتەگىمەن قامتىلعان جانە اي سوڭىنا دەيىن قوسىمشا 9300 ورىندى قامتاماسىز ەتۋ جوسپاردا بار. «سونداي- اق جىل سوڭىنا دەيىن جەدەل جاردەم قىزمەتى قازاقستاندا شىعارىلعان 1167 اۆتوكولىكپەن جابدىقتالادى. شالعايداعى اۋىلدار ءۇشىن 100 مەديتسينالىق كەشەن ساتىپ الىنادى»، - دەدى رەسمي وكىل.

ايتا كەتەيىك، 11 - قىركۇيەكتەگى مالىمەت بويىنشا ەلىمىزدە COVID-19-عا شالدىققانداردىڭ جالپى سانى 106661-گە جەتتى. ونىڭ ىشىندە جازىلىپ شىعۋ كورسەتكىشى 94,1 پايىزدى قۇرادى نەمەسە 100409 ادامعا جەتتى. سوڭعى ءبىر تاۋلىكتە شىمكەنت قالاسىندا كوروناۆيرۋس ينفەكسياسىنىڭ بىردە- ءبىر وقيعاسى تىركەلگەن جوق.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى